Ntibikunze kubaho ku ubona filime 5 zose nshya zaje mu 10 za mbere zikunzwe cyane ku rutonde rwa Box Office. Kuri ubu niko bimeze, aho muri iyi weekend hagurishijwe filime 5 nshya, naho : Fast&Furious Presents: Hobbs&Shaw ikomeza kuyobora urutonde muri weekend yayo ya kabiri ku isoko.
1. Fast&Furious Presents: Hobbs&Shaw
Fast & Furious ni
filime yatangiye muri 2001, kugeza ubu hamaze gusohoka ibice byayo 8, Fast
& Furious Presents: Hobbs & Shaw yasohotse tariki 02/08/2019 ikaba ari
filime ikomoka kuri izi (spin-off). Ni filime icuruzwa na Universal ,irimo
abakinnyi bakomeye nka Dwayne Johnson, Jason Statham, Idris Elba n’abandi. Muri
iyi weekend yinjije $25,400,000 muri
Amerika gusa, ku isi hose yinjije $332,613,780.
Kuyikora byatwaye miliyoni 200 z’amadolari, iri mu bwoko bwa Action.
2. Scary Stories to Tell in the Dark
Iyi ni filime nshya iri mu bwoko bwa
Horror Thriller, yasohotse kuri uyu wa gatanu tariki 09/08/2019. Icuruzwa na
Lionsgate, muri iyi weekend yabashije kwinjiza $20,800,000 ari nayo
mafaranga yonyine yinjije, dore ko icuruzwa muri Amerika gusa kugeza ubu.
3. The Lion King
Iyi filime yasohotse tariki 19/07/2019, icuruzwa na Buena Vista, muri
iyi weekend yinjije $20,000,000 muri
Amerika gusa, kuva yasohoka kugeza ubu ku isi hose yinjije $1,334,603,826.
Iyi filime iri mu bwoko bwa Action/Adventure, Beyonce akaba umwe mu
bakoreshejwe mu buryo bw’amajwi. Amafaranga yakoreshejwe mu gutunganya iyi
filime ntiyigeze atangazwa, ubushize niyo yari ku mwanya wa kabiri.
4. Dora and the Lost City of Gold
Muri iyi weekend iyi filime yinjije $17,000,000 muri
Amerika, nayo ni nshya ikaba yarasohotse kuwa gatanu tariki 09/08/2019. Gukora iyi
filime byatwaye miliyoni 49 z’amadolari, iri mu bwoko bwa Family, icuruzwa na
Paramount, ku isi hose yinjije $19,500,000.
5. Once Upon a Time in
Holywood
Ni filime iri mu bwoko bwa Comedy/Drama
ikaba icuruzwa na Sony/Columbia, yasohotse kuri uyu wa gatanu tariki
26/07/2019, icuruzwa muri Amerika gusa kugeza ubu. Ihuriwemo n’abakinnyi
bakomeye nka Leonardo DiCaprio, Brad Pitt, Margot Robbie, Dakora Fanning, Luke
Perry n’abandi. Muri iyi weekend yinjije $11,600,000, kuva yasohoka
kugeza ubu imaze kwinjiza $108,031,370 ni mu gihe ayo byatwaye ngo itunganywe ari
miliyoni 90 z’amadolari. Ubushize yari
ku mwanya wa 3.
6. The Art of Racing in the Rain
Ni filime icuruzwa na Fox, nayo
ni nshya kuko yasohotse kuwa gatanu tariki 09/08/2019, ikaba muri iyi weekend
yarinjije $8,100,000
muri Amerika gusa, ku isi hose yinjije $9,200,000. Iri mu bwoko bwa Drama, amafaranga byatwaye ngo
ikorwe ntiyigeze atangazwa.
7. The Kitchen (2019)
Nayo ni filime nshya
yasohotse kuwa gatanu tariki 09/08/2019, iri mu bwoko bwa Action/Crime,
icuruzwa na Warner Bros. (New Line). Yinjije $5,510,000 muri weekend
muri Amerika gusa akaba ari nayo mafaranga gusa yinjije, dore ko nta handi ku
isi iratangira gucuruzwa.
8. Spider-Man: Far from Home
Spiderman ni filime imaze imyaka myinshi isohoka ndetse ikaba ikunzwe na
benshi. Ku itariki 02/07/2019 hasohotse igice cyayo cyitwa Spider-Man: Far from
Home, ni filime ya Sony/Columbia, ikaba iri mu bwoko bwa Action/Adventure. Muri
Amerika gusa, muri iyi weekend iyi filime yinjije $5,300,000. Kuva yasohoka, ku isi hose iyi filime imaze kwinjiza $1,096,972,490, kuyikora byatwaye
miliyoni 160 z’amadolari, ubushize niyo yari ku mwanya wa 4.
9. Toy Story 4
Iyi filime yasohotse tariki 21/06/2019 icuruzwa na Buena Vista, ikaba
irimo abakinnyi nka Tom Hanks, Jordan Peele, Keanu Reeves n’abandi,
bakoreshejwe mu buryo bw’amajwi. Muri amerika gusa, iyi filime yinjije $4,400,000 muri weekend, ku isi
hose kuva yasohoka yinjije $959,250,743, ayo byatwaye ngo itunganywe ntiyigeze atangazwa, ubushize yari ku mwanya
wa 5.
10. Bring the Soul: The Movie
Iyi nayo ni filime nshya iri mu bwoko bwa documentary, yasohotse
kuwa 3 tariki 07/08/2019, icuruzwa na Trafalgar Releasing, kugeza ubu nta
mafaranga iracuruza mu mahanga, muri Amerika muri iyi weekend yinjije $2,296,491,
mu minsi yose imaze ku isoko imaze gucuruza $4,417,649.
TANGA IGITECYEREZO