Perezida wa Federasiyo ya siporo ya Misiri, Hani Abou Rida yeguye nyuma y’uko Misiri isezerewe na Afrika y'Epfo muri AFCON 2019

Abou Rida, ni umwe mu bagize akanama k’ impuzamashyirahamwe ku Isi (FIFA) akaba ari no muri Executive Committee y'impuzamashyirahamwe k’umugabane w’Afrika (CAF), yavuze ko azakomeza inshingano zo gutegura no gukurikirana imikino ya Afcon 2019, iri kubera mu Misiri kugeza irangiye tariki ya 19 Nyakanga 2019.

Hani Abou Rida Executive wa CAF, akaba ari mu bagize  akanama ka FIFA 

Ibi yabitangaje nyuma y’uko Misiri isezerewe na Afrika y'Epfo itsinzwe igitego ku munota wa 85 cyatsinzwe na Thembinkosi Lorch cyabaye icy’amateka cyahesheje ikipe ya Afrika y'Epfo itike yo kwerekeza muri ¼ cy’irangiza, naho Misiri nk’igihugu cyakiriye iri rushanwa kirasezererwa.

Abou Rida yafashe iki cyemezo ngo kubera ukuntu agira ishyaka ry’umupira w’amaguru Atari uko EFA (Egyptian Football Association), ishyiramwe ry’umupira w’amaguru mu gihugu cya Misiri rimusezereye.

Abou Rida kandi yababajwe n’agahinda ikipe y’igihugu ya Misiri yateye abafana nyuma yo kuzamuka iyoboye itsinda rya mbere (A), aho yahabwaga amahirwe yo kuba yakwegukana iki gikombe ariko ikaza gusererwa n’ ikipe zamutse nk’ikipe yatsinzwe neza (Afrika y'Epfo).

Hani Abou Rida yafashije Misiri kuba yakwakira AFCON 2019, nyuma y'uko impuzamashyirahamwe k’umugabane w’Afrika (CAF) yimuye iri rushanwa rikakwa igihugu cya Cameroon, cyagombaga kuryakira.

Paul Mugabe/ Inyarwanda.com