AFCON 2019: Abarundi mu muryango usubira i Bujumbura nyuma yo gutsindwa na Madagascar

Abarundi batsinzwe uyu mukino bahita buzuza imikino ibiri batabona intsinzi bityo bakaba nta nota bafite muri atandatu bamaze gukinira.

Igitego cya Madagascar muri uyu mukino cyatsinzwe na Marco Ilaimaharitra ku munota wa 76’ w’umukino waberaga ku kibuga cya Alexandria Stadium, usifurwa na Haythem Guirat ukomoka muri Tunisia.

Madagascar bishimira igitego cyatumye bakora amateka yo kubona intsinzi yabo ya mbere muri AFCON 2019

Jerome Mombris wa Madagascar (81’) na Cedric Amissi w’u Burundi (58’) buri umwe yahawe ikarita y’umuhondo muri uyu mukino.

Madagascar yari hejuru muri uyu mukino kuko mu minota 90’ bakinnye bateye koruneri umunani (8) zabyawe no gusatira cyane abugarira b’u Burundi bakarenza imipira bitabara. Madagascar bagumanye umupira ku kigero cya 47% mu gihe Abarundi basoje bafite 53%.

Uburyo igitego cyagiye mu izamu

Abarundi bakoze amakosa 25 mu gihe Madagascar bakoze amakosa 17. Ibihugu byombi ni ubwa mbere biri gukina imikino ya nyuma Nyafurika kuva iri rushanwa ryabaho rikaba riri kuba ku nshuro ya 32.

Muri iri tsinda rya kabiri (B), Nigeria iri ku mwanya wa mbere n’amanota atandatu (6) mu mikino ibiri (2) mu gihe Madagascar iri ku mwanya wa kabiri n’amanota ane (4). Abarundi bari ku mwanya wa nyuma (4) nta nota bafite.

Muri iri tsinda, Nigeria yatsinze Guinea igitego 1-0 cyatsinzwe na Kenneth Omeruo ku munota wa 73’ w’umukino.

Abarundi (Umutuku) batsinzwe na Madagascar (Icyatsi)

Abakinnyi babanje mu kibuga ku mpande zombi:

Madagascar XI:Melvin Adrien (GK,23), Romain Metanire 20, Pascal Razakananten 5, Thomas Fontaine 21, Jerome Mombris 22, Anicet Abel 13, Marco Ilaimahanitra 6, Lalaina  Nomenjanahary 12, Ibrahim Amada 15, Carolus Adriamahitsinoro 2, Faneva Adriatsima 9.

Burundi XI:Nahimana Jonathan (GK,1), Karim-Abdul Nizigiyimana Mackenzie 6, Ngandu Omar 14, Nsabiyumva Frederick 19, Nduwarugira Christophe 22, Bigirimana Gael 5, Gael Duhayindavyi 8, Nahimana Shassir 10, Abdul Razak Fiston, Cedric Amissi 17 na Saido Berahino.