Liverpool yasubiye mu mateka yaherukaga gukora mu 2005 irongera itwara igikombe cya UEFA Champions League itsinze Tottenham ibitego 2-0 mu mukino wa nyuma waberaga i Estadio Wanda Metropolitano, Madrid muri Espagne ku mugoroba w’uyu wa Gatandatu tariki ya 1 Kamena 2019.
Mohammed Salah umunya-Misiri ukinira Liverpool yafunguye amazamu mbere yuko Divock Origi yungamo igitego cy’umuterekano ku munota wa 87’ w’umukino.
Ikipe ya Liverpool n’ubundi yari ku mukino wa nyuma mu 2018 itsindwa na Real Madrid, yaherukaga gutwara igikombe cya UEFA Champions League mu 2005, kimwe mu bintu byari bimaze kurambirana mu mateka y’iyi kipe kuko imyaka 14 irashize.
Jurgen Kloop umutoza mukuru wa Liverpool ateruye igikombe
Jordan Henderson ateruye igikombe nka kapiteni w'ikipe
Mohammed Salah ni we wafunguye amazamu ku munota wa kabiri (2’) w’umukino biciye muri penaliti mbere yuko Divock Origi, Umubiligi ukomoka muri Kenya yungamo ikindi ku munota wa 87’ w’umukino.
Muri uyu mwaka rero wa 2019 ni ubwa mbere igikombe cya UEFA Champions League na UEFA Europa League bitashye mu Bwongereza kuko Chelsea yatwaye UEFA Europa League itsinze Arsenal ku mukino wa nyuma. Amakipe yose yakinnye imikino ya nyuma y’ibi bikombe akomoka mu Bwongereza.
Liverpool CF bateruye igikombe
Igitego cya Divock Origi
Umwe mu bafana yinjiye mu kibuga atunguranye
Mohammed Salah yafuguye amazamu hakiri kare
Divock Origi amaze gutsinda igitego cya kabiri cya Liverpool
Mohammed Salah atera penaliti
Abafana ba Liverpool
PHOTOS: DailMailOnline
Eng
RSS 
TANGA IGITECYEREZO