RFL
Kigali

Simba SC ibamo Meddie Kagere na Haruna Niyonzima yashyikirijwe igikombe cya 20 cya shampiyona-AMAFOTO

Yanditswe na: Mihigo Saddam
Taliki:29/05/2019 9:12
0


Mu gihe hirya no hino muri Afurika amashampiyona ari kugenda agana ku musozo, muri Tanzania nabo basoje iyi gahunda nyuma yo gushyikiriza igikombe Simba SC nk’ikipe yahize ayandi muri iyi shampiyona 2018-2019.



Ni igikombe cya 20 cya shampiyona kuri Simba S, ikipe yabayeho kuba mu 1936 ikaba imaze kugira ibigwi n’amateka ayigira imwe mu makipe meza ari mu karere ka Afurika y’Iburasirazuba no hagati.

Kuri uyu wa Kabiri, Simba SC yakinaga umukino wa nyuma wa shampiyona waberaga i Morogoro. Muri uyu mukino, Simba Simba SC yaguye miswi na Mtibwa Sugar banganya 0-0.


Simba SC bateruye igikombe cya shampiyona 2018-2019

Haruna Niyonzima umunyarwanda ukina muri Simba SC yari yabanje mu kibiga bakina uyu mukino wa nyuma wa shampiyona cyo kimwe na mugenzi we Meddie Kagere ukina ataha izamu.

Simba SC yahise igira amanota 93 ihabwa igikombe cya shampiyona 2018-2019 kuko irusha Yanga SC amanota arindwi ku mwanya wa kabiri n’amanota 86.


Mohammed Hussein umaze iminsi ari kapiteni wa Simba SC ashyikirizwa igikombe

Muri iyi shampiyona 2018-2019, Meddie Kagere umunyarwanda ukina asatira muri Simba SC ni we wasozanyije ibitego byinshi kuko afite ibitego 23.


Uko shampiyona ya Tanzania 2018-2019 yarangiye


Meddie Kagere (Ibumoso) na Haruna Niyonzima (Iburyo) buri umwe yambaye ibendera ry'u Rwanda 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND