Adrien Misigaro yashimishije bikomeye abari kugororerwa Iwawa barimo abahanzi bagenzi be nka Neg G na Fireman – AMAFOTO+VIDEO

Misigaro Adrien yabwiye urubyiruko ruri Iwawa ko rudakwiye gucika intege ngo rwumve ko byose byarangiye ahubwo ko bakwiye kubyaza umusaruro amahirwe bahawe yo kugirwa bashya ndetse buri wese agaharanira kuzatahana ubumenyi buzamutunga mu buzima busanzwe.

Yahembye amakipe abiri aherutse kwitwara neza mu irushanwa ryabaye ku Kirwa cya Iwawa. Yabasigiye impuzankano cyangwa imyenda yo gukinana y’ikipe bazajya bambara mu kibuga anabasigira imipira yo gukina. Misigaro kandi yemeye ko azashakira iki kigo mudasobwa ziziyongera ku zo bigishirizaho uru rubyiruko.

Iki kigo kirimo n’abahanzi bari basanzwe bakunzwe mu Rwanda barimo umuraperi Fireman, Neg G The General na Young Tone wari uzwiho kuririmba cyane Rap y’Icyongereza. Aba bahanzi Adrien Misigaro yabemereye ko nibasoza amasomo bagasubira mu buzima busanzwe azabafasha mu muziki wabo ndetse akazabakorera indirimbo mu majwi n’amashusho kugira ngo basakaze ubutumwa bwigisha urubyiruko ibibi by’ibiyobyabwenge.

Abashyitsi bari bitabiriye

Jolly Mutesi aganiriza ab'Iwawa

Umuhanzi Neg G The General ari Iwawa

Umuraperi Young Tone ari kubarizwa Iwawa

Fireman amaze kumenyera ubuzima bw'Iwawa

Abari Iwawa

Adrien Misigaro yasanze akunzwe bikomeye Iwawa

Hafashwe amafoto y'urwibutso

Adrien n'abahanzi bari kugororerwa Iwawa

KANDA HANO UREBE UKO BYARI BYIFASHE IWAWA UBWO ADRIEN MISIGARO YARI YASUYE ABARI KUHAGORORERWA...