Miss Rwanda 2019: kurikirana uko gutoranya abazahagararira Uburasirazuba byagenze i Kayonza ahitabiriye abarenga 100

Igikorwa cyo gutora nyampinga w’u Rwanda 2019 cyatangiye tariki 15/12/2018, intara y’Amajyaruguru niyo yabanje mu gikorwa cyabereye I Musanze hatoranywa abazayihagararira. Hakurikiyeho i Rubavu ahatoranywaga abakobwa bazahagararira Uburengerazuba, aho hari tariki 16/12/2018. Kuri uyu wa gatandatu tariki 22/12/2018 nibwo i Huye habereye umuhango wo guhitamo abazahagararira Amajyepfo.

Kuri uyu munsi tariki 23/12/2018 turi i Kayonza muri Silent Hill Motel ahagiye kubera igikorwa cyo guhitamo abazahagararira Uburasirazuba. Abakobwa bari butoranywe I Kayonza bari buze kwiyongera ku bandi 21 bamaze gutoranywa ngo bazahatanire nanone kujya mu mwiherero (bootcamp). Aba 21 bakubiyemo 5 batowe mu majyaruguru, 6 bo mu Burengerazuba ndetse na 10 bo mu majyepfo.

Saa Saba: imvura ni nyinshi cyane i Kayonza, bamwe mu bakobwa bamaze kuhagera ndetse bamwe batangiye gutanga imyirondoro yabo, gupimwa uburebure n'ibiro ngo harebwe niba bujuje ibisabwa n'irushanwa. Urushanwa muri Miss Rwanda agomba kuba atarengeje imyaka 25 atari munsi ya 18, ibiro bitarenze 75 ntibinabe munsi ya 45, uburebure nibura bwa santimetero 170.

Bamwe mu bakobwa bitabiriye irushanwa i Kayonza

Abari bube bujuje ibisabwa barabona ama nomero bari bukoreshe mu irushanwa

Abakobwa bitabiriye Miss Rwanda i Kayonza batanga imyirondoro

Saa cyenda n'iminota 30": Abakobwa batoranyijwe ni 32, bamaze kwambara amakanzu bari butungukane imbere y'akanama nkemurampaka. baje biyerekana ngo basobanurirwe uko biri bugende, uko binjira n'uko bahagarara bageze imbere y'akanama nkemurampaka. hagiye gutangira igikorwa nyamukuru cyo kwakira aba bakobwa umwe umwe ngo haze gutoranywamo abazahagararira intara y'Uburasirazuba.

Abakobwa bari biyandikishije kuzahatanira i Kayonza ni 101, ababashije kuzuza ibisabwa ngo bahatane ni 32.

Mu bakobwa bitabiriye Miss Rwanda 2019 i Kayonza habonetsemo 32 bujuje ibisabwa bagiye kurushanwa

Dore amazina y'abakobwa 32 bagiye guhatana, hakurikijwe na nimero bahawe:

1. Mukeshimana Lea

2. Uwase Irene

3. Uwihirwe Yasipi Casimir

4. Gasana Isimbi Sandra

5. Umugwaneza Cynthia

6. Amanda Teta Monatha

7. Mukunzi Teta Sonia

8. Inyumba Charlotte

9. Umulisa Divine

10. Ndahiro Nadine

11. Mutesi Nadege

12. Mugwaneza Emelyne

13. Kayitesi Shivan

14. Niyonshuti Assoumpta

15. Buramba Cynthia

16. Higiro Joally

17. Keza Yusra

18. Ingabire Jeanette

19. Bayera Nisha Keza

20. Igihozo Darine

21. Teta Christella

22. Niyibigira Kellia

23. Gwizimpundu Huguette

24. Murebwayire Irene

25. Esther Favor

26. Shemererwa Noella

27. Mutoni Queen Peace

28. Munezero Christine

29. Irebe Natacha

30. Uwase Tania

31. Mukangwije Dona

32. Kicoco Doreen

Miss Iradukunda Liliane iruhande rwa Alain, umuyobozi wa Smart Design imaze kubaka izina mu bijyanye na printing

Lucky, MC wo muri iki gikorwa kuva cyatangira

Abagize akanama nkemurampaka

Uyu we ngo yamenyesheje abo mu muryango we ko azitabira Miss Rwanda abinyujije muri group ya Whatsapp

Aba nibo bakobwa 32 bahataniye kuzahagararira intara y'Uburasirazuba muri 2019, uyu niwe mukobwa wa nyuma wanyuze imbere y'akanama nkemurampaka

Saa Moya na 30': Abakobwa bose 32 bamaze guca imbere y'akanama nkemurampaka, hakurikiyeho ko akanama nkemurampaka kabanje kongera kureba aba bakobwa bose uko ari 32 mbere y'uko habaho umwanya wo kwiherera ngo bahitemo abitwaye neza bakwiye guhagararira intara y'Uburasirazuba muri Miss Rwanda 2019.

Ku isaha ya saa mbili na 12 nibwo akanama nkemurampaka kagarutse, abakobwa bose bongera gutambuka, basobanurirwa ibyagendeweho hatoranywamo abahize abandi. Nyuma yaho Lucky wari MC yahise atangira gutangaza nimero zatsinze.

Dore Abakobwa 10 batangajwe nk'abazahagararira intara y'Uburasirazuba:

Uwihirwe Yasipi Casimir nimero 3

Mukunzi Teta Sonia nimero 7

Inyumba Charlotte nimero 8

Mutesi Nadege nimero 11

Mugwaneza Emelyne nimero 12

Higiro Joally nimero 16

Bayera Nisha Keza nimero 19

Igihozo Darine nimero 20

Murebwayire Irene nimero 24

Mutoni Queen Peace nimero 27

Nyuma yo kuva i Kayonza, hazakurikiraho gutoranya abazahagararira Umujyi wa Kigali mu irushanwa, hanyuma abakobwa bose bazaba bahagarariye intara zose zigize igihugu bazongera bahatanire kuvamo bacye bazoherezwa mu mwiherero bashakishwamo uzaba nyampinga w’u Rwanda 2019.

Tubibutse ko kugeza ubu ibihembo bizahembwa uzatsindira ikamba rya Nyampinga w’u Rwanda byongerewe bikaba kuzahembwa imodoka, ibihumbi 800,000 buri kwezi mu gihe cy’umwaka ndetse no kuba brand ambassador wa Cogebank. Ibisonga 2 bizamukurikira nabyo bizahabwa ibihembo, dore ko igisonga cya mbere kizahabwa miliyoni y’amafaranga y’u Rwanda, ni mu gihe igisonga cya kabiri kizahabwa ibihumbi 500,000Rwf.

Amafoto: IRADUKUNDA Dieudonne/ Inyarwanda