Kuva tariki 13 Mutarama 2018 mu ntara zose zinyuranye z’igihugu hatangiye gushakishwa abakobwa bazahagararira izi ntara mu irushanwa rya Miss Rwanda 2018, aha byari byitezwe ko buri ntara izahagararirwa n’abakobwa batandatu gusa bitunguranye mu ntara y’Amajyepfo hatoranyijwe abakobwa icumi bityo imibare yateguwe irenga gutyo.
Usibye intara y'Amajyepfo gusa ihagarariwe n'abakobwa icumi muri Miss Rwansa 2018, ahandi hose (mu ntara eshatu zindi) batoye abakobwa batandatu. Tariki 13 Mutarama 2018 hatowe abakobwa bazahagararira intara y’Amajyaruguru mu gikorwa cyabereye mu karere ka Musanze muri Hotel La Palme. Bukeye bwaho tariki 14 Mutarama 2018 ni bwo hatoranyijwe abakobwa 6 bagomba bazahagararira intara y’Uburengerazuba mu gikorwa cyabereye mu karere ka Rubavu.
Abagize akanama nkemurampaka muri Miss Rwanda 2018
Tariki 20 Mutarama 2018 i Huye habaye amateka yuko umubare wari uteganyijwe w’abakobwa bahagararira intara y’Amajyepfo warenze cyane ko batandatu bari bateganyijwe baje kurenga, hagatorwa abakobwa icumi cyane ko abari bitabiriye bemeje abagize akanama nkemurampaka bityo bagafata nabo umubare munini w’abakobwa. Bukeye bwaho tariki 21 Mutarama 2018 hakurikiyeho intara y’Iburasirazuba aho abakobwa batandatu batorewe guhagararira iyi ntara mu marushanwa ya Miss Rwanda 2018.
Kuri ubu hitezwe ijonjora rigomba kuba ku wa Gatandatu tariki 27 Mutarama 2018 ahagomba gutoranywa abakobwa bazahagararira umujyi wa Kigali mu irushanwa rya Miss Rwanda 2018. Nyuma yo gutora aba bakobwa hakazakurikiraho ijonjora rizasiga abakobwa makumyabiri bazajya mu mwiherero uzavamo umukobwa umwe uzambikwa ikamba tariki 24 Gashyantare 2018 mu birori bizabera muri Kigali Convention Center.
ABAHAGARARIYE INTARA Y'AMAJYARUGURU
Batandatu bahagarariye intara y'Amajyaruguru
ABAHAGARARIYE INTARA Y'UBURENGERAZUBA
Abakobwa batandatu bahagarariye intara y'Uburengerazuba
ABAHAGARARIYE INTARA Y'AMAJYEPFO
Intara y'Amajyepfo ihagarariwe n'abakobwa icumi
ABAHAGARARIYE INTARA Y'IBURASIRAZUBA
Batandatu bahagarariye intara y'Iburasirazuba muri Miss Rwanda 2018
Amafoto: Miss Rwanda
Eng
RSS 
TANGA IGITECYEREZO