Ibirori bya Kigali Fashion Week byasojwe, Miss Mutoni Fionah n'imideri yamuritse bivugwaho byinshi -AMAFOTO

Ni ibirori byagenze neza ariko kandi Miss Mutoni Fionah umaze iminsi abatijwe mu mazi menshi yagaragaye mu mwambaro wakuruye impaka. Mu ihema risanzwe riberamo imyidagaduro ni ho ibi birori byabereye. Ku isaha ya saa moya n’igice nibwo byagombaga gutangira icyakora byakerereweho gato bitangira hafi saa mbiri n’igice, aho abatari bake bari baje kwihera ijisho imideri iri kumurikwa muri Kigali Fashion Week aho inkumi n’abasore bari barimbye imideri y’abahanzi banyuranye bayihanga banyuranagamo maze ukabona bibereye ijisho.

Nyamara nubwo ibi birori byo kumurika imideri byabereye i Kigali, ntabwo ari abanyarwanda gusa bamurikaga imideri bahanze kuko hari n'abandi banyamideri bo mu bindi bihugu birimo: Ghana, Nigeria, Ububiligi, Ubusuwisi, Tanzania, Ubwongereza, Ubuyapani, Uganda n’ibindi bihugu byari bihagarariwe, muri rusange hakaba hamuritse abahanzi b’imideri 19 bose hamwe berekanaga umwihariko w'imideri yabo.

Kigali Fashion Week yari yitabiriwe

Ibi birori byagenze neza ndetse n’ikosa ryo kumurika imideri idahesha umuco wacu agaciro ryari ryabayeho umwaka ushize rirakosoka nubwo hatabuzemo abaserukana iyi myambaro ariko byibuze kuri iyi nshuro bagabanutse bijyanye n'ibyari byabaye umwaka wabanje. Usibye iki ariko kandi ubwitabire muri ibi birori ntabwo bwari bubi dore ko imyanya yose yari yateguwe yicawemo nubwo icyumba kiberamo ibitaramo cyari cyakaswemo kabiri.

Muri ibi birori Mutoni Fiona asa naho yihariye abasesengura ibijyanye no kumurika imideri nyuma yaho aserukanye ikanzu igaragaza umwambaro w’imbere ibyo benshi bahuzaga no kuba mu minsi ishize uyu mwali wanabaye igisonga cya gatatu muri Miss Rwanda 2015 aherutse kubatizwa mu mazi menshi bityo bamwe mu bajyaga impaka bagahamya ko nk’umuntu utamaze n'amezi atatu abatijwe akaba yaserukanye iyi mideri muri iki gitaramo bitari bikwiye, cyane ko bavugaga ko iyi myambaro irangaza abantu ikaba yanatuma batekereza nabi mu buryo butubahisha Imana. Icyakora usibye aba hari n'abahamyaga ko imyemerere n'akazi ntaho bihuriye, abari kuri uru ruhande bagahamya ko kuba yarabatijwe icyakora akaba yaserukanye uyu muderi ntacyo bitwaye cyane ko yari mu kazi.

REBA AMAFOTO Y'IBI BIRORI:

Uko abafana bari benshi ni nako ba gafotozi bari bitabiriyeMc Makeda imbere y'abafana bari baje kwihera ijisho Kigali Fashion Week Umunyarwenya Atome yari mu bitabiriye ibi biroriBari kumurika imideri inyuranye yahanzwe n'abahanzi b'imideri basaga 19Si abanyarwanda gusa bamurikaga iyi mideri Ahanzwe amaso n'abafana bitegereza umuderi ari kumurikaKaneza Lynka Amanda ni uyu muderi yamuritse utungura benshiMu mideri yamuritswe hari higanjemo imideri nyafurikaWeya Viatora ni we wasusurutsaga abafana mu ijwi ryishimiwe n'abatari bakeMiss Mutoni Fiona wabaye igisonga cya gatatu muri Miss Rwanda 2015 unaherutse kubatizwa yaserukanye imideri itavuzweho rumwe