Ishyirahamwe ry’umukino wo guterura ibiremereye (Rwanda Weightlifting Federation) ryateguye irushanwa ryo kwibuka aba 'sportifs' bazize Jenoside yakorewe Abatutsi mu mwaka wa 1994.
Nkuko Just Bwanakweli ,umunyamabaga wa Rwanda Weightlifting Federation (RWF) yabitangarije Inyarwanda.com, iri rushanwa rizabera muri The Fitness Factory Gym iherereye mu isoko ry’umujyi wa Kigali (Kigali City Market) ku itariki ya 26 Kamena 2016 ku isaha y’i saa cyenda zuzuye.
Nkuko Bwanakweli yakomeje abivuga, abifuza kuzarushanwa muri uwo mukino barasabwa kwiyandikisha mu nzu z’imikino (gym) zibegereye bakazahasanga impapuro zo kuzuza. Itariki ntarengwa yo kwiyandikisha ni ku wa 23 Kamena 2016.
Umunyamabanga wa Rwanda Weightlifting Federation, uwa mbere uhereye ibumoso
Bwanakweli Just yatangaje ko intego ya Rwanda Weightlifting Federation) ari uko Abanyarwanda bakunda uyu mukino wo guterura ibiremereye bakawukora nk’ababigize umwuga ukabateza imbere ndetse n’igihugu muri rusange. Ati “Iri rushanwa rikazatwereka urwego Abanyarwanda bariho muri uyu mukino”.
Rwanda Weightlifting Federation irateganya amarusanwa yo guterura ibiremereye azazenguruka igihugu mu kwezi kwa Nzeli.
Umukino wo guterura ibiremereye nturatera imbere mu Rwanda
Eng
RSS 
TANGA IGITECYEREZO