Premier League 2016-2017: Arsenal izakina na Liverpool ku munsi wa mbere

Kuri uyu wa gatatu tariki ya 15 Kamena 2016, hashyizwe ahagaragara ingengabihe ya shampiyona y’icyicyiciro cya mbere muri shampiyona y’umupira w’amaguru mu gihugu cy’u Bwongereza izwiho gukundwa kurusha izindi ku isi.

Shampiyona y’umupira w’amaguru y’u Bwongereza y’umwaka wa 2016-2017 izatangira mu mpera ku matariki ya 13-15 Kanama 2016.

Umukino ukomeye uzaba ku munsi wa mbere wa shampiyona ni uzahuza ikipe ya Arsenal aho izaba icakirana na Liverpool.

Jose Mourinho na Pep Guardiola bari basanzwe bahanganira muri shampiyona ya Esipanye  bazakina umukino wabo wa mbere ku itariki ya 10 Nzeli 2016 ubwo Manchester United ya Jose Mourinho  izaba yakiriye Manchester City ku kibuga Old Trafford.

Iminsi imikino isanzwe ikomeye cyane (derby) izabera

• Ku itariki 10 Nzeli 2016 Manchester United izakira Manchester City mu gihe umukino wo kwishyura uzaba ku itariki 25 Gashyantare 2017
• Ku itariki 5 Ugushyingo 2016, Arsenal izakira Tottenham Hotspurs na ho umukino wo kwishyura ube 29 Mata 2017
• Ku itariki 17 Ukuboza 2016, Everton izakira Liverpool na ho umukino wo kwishyura ube ku itariki ya 1 Mata 2017.

Uko imikino iteganyijwe ku munsi wa mbere wa shampiyona/ Ku itariki ya 13 Kanama 2016

Arsenal v Liverpool

Bournemouth v Manchester United

Burnley v Swansea City

Chelsea v West Ham United

Crystal Palace v West Bromwich Albion

Everton v Tottenham Hotspur

Hull City v Leicester City

Manchester City v Sunderland

Middlesbrough v Stoke City

Southampton v Watford

Imikino y’umunsi wa nyuma/ Ku itariki ya 21 Gicurasi 2017

Arsenal v Everton

Burnley v West Ham United

Chelsea v Sunderland

Hull City v Tottenham Hotspur

Leicester City v Bournemouth

Liverpool v Middlesbrough

Manchester United v Crystal Palace

Southampton v Stoke City

Swansea City v West Bromwich Albion

Watford v Manchester City.

Umukino wa mbere wa shampiyona  Jose Mourinho azatoza muri Manchester United ni uwo azakina na Bournemouth

Mu mukino wa mbere azaba atoje muri shampiyona y'u Bwongereza, Pep Guardiola azakira Sunderland

Leicester City yatwaye igikombe cya shampiyona y'umwaka wa 2015-2016 izakina na Hull City ikiva mu cyiciro cya kabiri ku mukino wazo wa mbere wa shampiyona