Humble Jizzo, Safi Madiba na Nizzo Mouhamed bagize itsinda rya Urban Boys, bifatanyije n’umukobwa ukiri muto witwa Babo, bafatanya indirimbo badidibuzamo indimi zitandukanye zirimo n’ikidage. Uyu muhanzikazi Babo, itsinda rya Urban Boys rishaka kumugira umuhanzikazi w’igitangaza mu Rwanda.
Hashize igihe mu birori no mu bitaramo bitandukanye, abasore bagize itsinda rya Urban Boys bagaragara bari kumwe n’umwana w’umukobwa, uyu akaba ari umuhanzikazi witwa Babo wabaye igihe kirekire mu gihugu cy’u Budage ubu akaba ari mu Rwanda ari naho agomba kumara igihe akorera umuziki we, aho abifashwamo n’itsinda rya Urban Boys.
Teta Barbara; umuhanzikazi ukoresha izina ry'ubuhanzi rya Babo. Aha yaririmbaga mu gitaramo cya Asinah
Abagize iri tsinda bavuga ko bafite byinshi bashaka gufashamo uyu mukobwa mu muziki we kuburyo mu minsi ya vuba azaba yabaye umuhanzikazi uhanzwe amaso na benshi muri muzika nyarwanda, ku ikubitiro bakaba baramaze gukorana nawe indirimbo yumvikanamo indimi zitandukanye zirimo ikinyarwanda, icyongereza ndetse n’ikidage.
Yaririmbanye na Urban Boys muri iki gitaramo cya Asinah cyabaye mu kwezi gushize
Iyi ndirimbo yitwa “ICH LIEBE DICH” bamaze no gushyira hanze amashusho yayo, ni indirimbo y’urukundo irimo amagambo menshi y’ikidage, ahanini aririmbwa n’uyu mukobwa Babo cyane ko ari we wabaye mu Budage kuburyo anafite abakunzi be baba muri iki gihugu kandi avuga ko bamushyigikiye cyane mu muziki we.
REBA HANO INDIRIMBO “ICH LIEBE DICH”:
Eng
RSS 
TANGA IGITECYEREZO