Miss Mutesi Kayibanda Aurore wabaye Nyampinga w’u Rwanda mu mwaka wa 2012, yavuze ibigwi anarata cyane umukunzi we Mbabazi Egide uba muri Leta Zunze Ubumwe za Amerika, amugaragaza nk’umusore w’ikirenga abandi bakobwa benshi cyane barota kuba bakundana nawe.
Mu butumwa yanyujije ku mbuga nkoranyambaga zitandukanye buherekejwe n’ifoto y’umukunzi we Mbabazi Egide; Miss Mutesi Aurore yagaragaje uburyo yahiriwe no gukundana n’uyu musore abona nk’uw’ikirenga mu buzima bwe, ndetse akaba anamubona nk’umusore abandi bakobwa bashobora guhorana inzozi zo gukundana nawe. Ubu butumwa kandi bwari buherekejwe n’amagambo yo kumwifuriza isabukuru nziza y’amavuko.
Miss Mutesi Aurore na Mbabazi Egide mu buryohe bw'urukundo rwabo
Miss Mutesi Aurore ati: “… Mukunzi wanjye abakobwa hafi ya bose bashobora kurota kugira, abahungu bakwiye kukwigiraho bakamenya icyo gukunda ari cyo. Gukundana nawe ntacyabasha kunshimisha nkabyo. Nkunda ubuzima mbayeho, byose mbishimira umukunzi w’igitangaza nkawe. Nakunze kuva kera isura yawe yuzuye uburanga n’amaso yawe atagira uko asa, ariko icyo ngukundira kurusha ibindi ni umutima wawe usa ukwawo. Isabukuru nziza mwiza wanjye, nkwifurije ibyiza gusa. “
Aho aba muri Leta Zunze Ubumwe za Amerika, Mbabazi Egide akunda kuba ari kumwe kenshi na Miss Aurore
Muri Gashyantare uyu mwaka ubwo Miss Mutesi Aurore nawe yagiraga isabukuru y’amavuko, nawe yari yabwiwe na Mbabazi Egide amagambo yuzuyemo imitoma imutaka, ibi bikaba bishimangira uburyoye bw’urukundo rwabo rugeze aharyoshye. Egide yagize ati: “Isabukuru nziza kuri uyu mwamikazi w’uburanga Aurore Mutesi Kayibanda, biratangaje uburyo ugenda ugera kuri byinshi ukuri muto, mu by’ukuri ni iby’icyitegererezo... Ntakindi nakwifuriza kitari ibyishimo, no kugira byinshi bituma uhora umwenyura... Akira urukundo rwinshi... Ndagukunda cyane...”
Mu kiganiro Miss Mutesi Aurore yagiranye n’umunyamakuru wa Inyarwanda.com, yagaragaje ko atewe ishema cyane n’uyu musore wamutwaye umutima, kandi ibyo kuba bakora ubukwe bakambikana impeta y’urudashira nabyo akaba yizeye ko igihe kizagera Imana ikabikora. Gusa ntagaragaza igihe baba bateganya kurushinga.
Miss Mutesi Kayibanda Aurore na Mbabazi Egide bamaze igihe kitari gito bagaragaza ko baryohewe n'urwo bakundana
Eng
RSS 
TANGA IGITECYEREZO