Akiwacu Colombe, Miss Rwanda 2014 arasaba abashinzwe kwita kuri nyampinga w’u Rwanda ko bakwisubiraho kugira ngo amakosa yakozwe ku ngoma ye ntazongere kuri Miss Rwanda 2015.
Akiwacu Colombe avuga ko yifuza ko amakosa yabaye ku ngoma ye atakongera kuri Miss uzamusimbura. Muri ayo makosa, Akiwacu Colombe avuga harimo kuba abashinzwe gukurikirana Miss Rwanda(Management) batarigeze bubahiriza ibyo bari barasezeranije ko bazakorera Miss Rwanda 2014 ndetse n’andi makosa atandukanye.Ibi yabivugiye mu kiganiro yagiranye na Radio Flash fm.
Colombe arasba ko ibamurewe byakosorwa ubutaha
Akiwacu Colombe yagize ati : « Ngendeye kubyo bari basezeranije uwagombaga kuba Miss(nijye waje kumuba) navuga ko batigeze buzuza inshingano zabo, ikindi ni ukuba Management itarakoze ibyo yasabwaga gukora. Ibyo nabyo byarambabaje.Ubundi management iba igomba kugufasha mu bikorwa byawe bya buri munsi ariko nta kintu na kimwe bigeze bamfasha kwari ukwitwa ko bamfasha gusa. »
Kuva uyu mukobwa yatorerwa kuba Miss Rwanda hagiye havugwa amakosa yamukorewe harimo n'imodoka yahembwe ishaje
Miss Akiwacu yakomeje asaba umukobwa uzamusimbura yazaba nyampinga ubereye u Rwanda, urubyiruko rwiyumvamo, w’imico myiza n’ibindi. Aha, yagize ati : ’’Ndamwifuriza ko yzabana neza n’urubyiruko, ikindi nkamwifuriza kuzaba nyampinga ubereye u Rwanda kandi akuzuza inshingano ze neza ntazanduze izina rya nyampinga kugira ngo uzamukurirkira azakomerezeho aho kugira ngo asange byarasubiye inyuma.’’
Abajijwe umukobwa abona aha amahirwe yo kwegukana iri kamba kuri uyu mugoroba, Colombe yavuze ko bigoranye kuko aba bakobwa uko ari 15 bose bashoboye.
Robert Musafiri
Eng
RSS 
TANGA IGITECYEREZO