Nyuma y’uko hari hatangajwe ku mugaragaro uburyo bwo gutora(guha amajwi) ba nyampinga binyuze ku murongo wa Internet, ubu urubuga rutorerwaho ntirukora.Abantu batazwi bari kwigamba gukuraho uru rubuga no kwibira amajwi umukobwa witwa Mutoni Jane.
Babinyujije ku rubuga rwa Facebook, abantu(umuntu) biyise izina rya Rwanda Hilly-Geeks bigambye ko babashije kwinjira mu rubuga rutorerwaho arirwo http://missrwanda.rw/ maze bakadobya amatora aho bahaye amajwi menshi cyane umukobwa witwa Mutoni Jane mu gihe kitarenze amasaha abiri nk’uko babyivugira. Bavuga ko bafite intego yo kumuha amajwi arenga Miliyoni.
Bigambye kuzambya amatora ya Miss Rwanda 2015
Bakomeje kwigamba kuzambya urubuga rutorerwaho muri Miss Rwanda 2015
Rwanda Hilly-Geeks kandi bavuze ko uyu mukobwa bahaye aya majwi nta kindi bahuriyeho ahubwo ari mu rwego rwo kwerekana ko uru rubuga nta mutekano rufite bityo bakaba bavuga ko amatora agomba guseswa ndetse ko bazakomeza kuzambya uru rubuga ndetse n’izindi mbuga zikomeye za hano mu Rwanda.
Mutoni Jane uvugwaho kwibirwa ari ku mwanya wa gatatu
Twavuganye n’abategura aya marushanwa maze batubwira ko n’ubwo hari abantu binjiye mu rubuga rwabo ariko batabashije kugera aho(System) batorera kuko urubuga rutandukanye n’aho batorera(Online Voting System) bityo rero ngo abantu ntibagire impungenge ku majwi ndetse bakomeze batore.
Robert Musafiri
Eng
RSS 
TANGA IGITECYEREZO