AMAFOTO-Igikombe cy'Amahoro cya 8 APR FC yegukanye gitumye Rayon Sports bishima mu kwiyumanganya

Igitego cya Ndahinduka Michel bakunda kwita Fils cyangwa Bugesera, cyabonetse ku munota wa 61 w’umukino, cyari gihagije kugirango iyi kipe y’ingabo ize gusoza umukino iririmba ngo “Kazi muliotuma Afande tumeimaliza” bishaka kuvuga ngo “Akazi mwadutumye bayobozi turakarangije”.

 Gen Patrick Nyamvumba Umugaba mukuru w'ingabo azamura igikombe ikipe y'ingabo ayoboye yegukanye

Umugaba mukuru yaherejwe igikombe na Maj. Gen Jacques Musemakweli Umuyobozi wa APR FC akaba n'umugaba w'ingabo zishinzwe kurinda Umukuru w'igihugu (Republican Guard)

Umuyobozi wa APR FC yashyikirijwe igikombe nyuma y'uko Minisitiri wa Siporo n'Umuco Mitali Protais agishyikirije Kapiteni Nshutiyamagara Ismael Kodo

Icyo gihe abandi bakinnyi ba APR FC baririmbaga bati "Kazi muliotutuma Afande Tumemaliza" bakongera bati "Leo ni mambo"

Abakinnyi ba APR FC bashimirwa uburyo bitwaye mu gikombe cy'amahoro

Rusheshangoga Michel wari wazonze cyane ba rutahizamu ba Police FC ashimirwa na IGP Emmanuel Gasana Umuyobozi wa Polisi y'u Rwanda

Mubumbyi Barnabe urubuto rumwe APR FC irimo gusarura rwavuye muri APR Academy na we yari yazonze ab'inyuma ba Police FC

Police FC na yo yashimiwe kuba yarabashije kugera ku mukino wa nyuma

Gutsindwa birababaza: Ntaribi Steven umunyezamu wa Police FC byamunaniye kubyihanganira

N'ubwo ari umugabo amarira ye ntiyatembye ajya mu nda gusa, ahubwo yanashotse ku matama

Rwarutabura wagaragaraga nk'ufana Police FC mu mukino, ubwo warangiraga yararize bikomeye avuga ko ababajwe no gutsinda kwa APR FC nyamara kwahesheje ikipe afana kuzasohokera u Rwanda muri CAF Confederation Cup

Hari n'amakuru avuga ko ubwo Rwarutabura yabwiraga abanyamakuru akababaro ke, yaba yarasagariwe n'umwe mu bafana ba APR FC waje akamukubita

N'ubwo bamwe muri Police FC bariraga, APR FC bo bari mu byishimo

Minisitiri w'umutekano Musa Fazil Harerimana ufite Polisi mu nshingano ze, hamwe n'umuyobozi wa Polisi IGP Emmanuel Gasana bashimira Abayobozi ba Minisiteri y'Ingabo ndetse n'Umugaba w'ingabo

Minisitiri w'Ingabo Gen James Kabarebe na Gen Patrick Nyamvumba Umugaba mukuru w'ingabo mu byishimo by'uruhurirane

Mu mukino ho byari ibicika n'ubwo wabonaga uri ku rwego ruciriritse

Umutoza wa Police FC Sam Ssimbwa ntiyahwemye kuvugana nabio n'abasifuzi avuga ko barimo kumwiba

Umusifuzi wa 4 Louis bakunda kwita Loup ajya gushyigashyiga Umutoza wungirije wa Police FC nabo bari kumwe barimo bisararanga ngo babimye Penaliti

Police FC yari ifite itsinda ry'abapolisi kazi baje gufana n'ubwo bahageze bakererewe

Ku munota wa 61 ni bwo Ndahinduka Michel yahojeje imitima y'abafana ba APR FC n'aba Rayon Sports ku mupira wari uvuye muri Corner yatewe na Iranzi

Kubera akandi kazi yari yakoze mu birori byo kwizihiza umunsi wo kwibohora, Ingobyi y'abarwayi yahageze ku munota wa 58 w'umukino gusa bituma bamwe bibaza niba hatari kuba hateganyijwe iy'uyu mukino yihariye

Iyi ni yo shusho y'igikombe bahataniraga

Uyu mukino wari witabiriwe na Itangishaka Blaise Umunyarwanda ukina muri Aspire Academy muri Senegal

Nyuma yo gutsindwa igitego Police Fc yagerageje kwishyura ibifashijwemo na Sina Jerome ndetse na Sebanani Emmanuel Crespo ariko biba iby'ubusa

Iranzi Jean Claude uri gusoza amasezerano ye muri iyi kipe na we yazonze cyane abo mu mpande ba Police FC

Ubusatirizi bwa Ndahinduka Michel na Mubumbyi Barnabe bwerekanye ko bukomeye kurusha abandi