Mu iserukiramuco JAMAFEST buri munsi uba ufite umwihariko wawo- Ibyaranze uyu wa kane

Kuri uyu wa kane muri petit stade habereye ibitaramo byakozwe n’abarundi n’Abatanzania ndetse hanerekanwa uduce duto twa film zakimwe muri buri gihugu cyiri muri rino serukiramuco mu gihe nk’uko bisanzwe muri parking ho hakomeje kubera imurikagurisha ry’ubugeni n’umuco.

Nk’uko bimaze kugaragara nyuma y’iminsi ine iri serukiramuco ritangiye, igice cyahariwe kuberamo ibitaramo ni cyo gikomeje gukurura abantu kurusha ibindi byose aho guhera mu ma saha ya saa kumi n’imwe z’umugoroba stade nto y’i Remera iba yamaze gukubita yuzuye.

Kuri uyu wa kane uretse umudiho n’imbyino z’abanyatanzania tutibagiwe ingoma z’Abarundi ziherecyejwe n’imbyino zabo byashimishije abatari bake.

Agashya kagaragaye ni ak’umwana w’imyaka 7 ukomoka mu gihugu cya Tanzania wabyinishije stade yose kubera ubuhanga no gutinyuka yagaragaje ubwo yajyaga imbere agacinya akadiho atitaye ku mubare munini w’abantu bari bamuhanze amaso.

Uyu mwana yatangaje abantu benshi.

Twongere tubibutse ko nyuma y’iri serukiramuco rihuje ibihugu bya Afurika y’iburasirazuba, u Rwanda ruzahita rwakira iserukiramuco nyafurika ry’imbyino FESPAD rizatangira kuwa 23 Gashyantare 2013.

Mu mafoto:

Abarundikazi babyinnye

Bagerageza kwerekana ibiranga umuco wabo

Abaturutse Tanzania nabo bacinye umudiho

Bamwe mu bari baje kwihera ijisho

Aha abanyarwanda baba barimo kubuguza

Bimwe mu biri mu imurikagurisha. Ibi bikomoka mu Burundi

Mu biri kumurikwa higanjemo ibikoresho by'ubukorikori.

Seleman Nizeyimana