Umukobwa yivuganye umukunzi we amuziza kumuca inyuma

Bivugwa ko uyu mukobwa yahisemo kwihorera ku mukunzi we nyuma yo kumenya ko amuca inyuma, maze afata ibiryo bye arabiroga, aho yashizemo umwuka amureba, icyababaje abaturage kurushaho ni uko amaze gupfa atigeze asaba ubufasha ngo avuge ko atazi uko bigenze, ahubwo yahisemo kumuhisha munsi y’igitanda mu gihe cy’iminsi itatu.

 Nk’uko amakuru abitangaza, abaturage bo muri ako gace bagize amakenga nyuma yo kumva impumuro mbi ituruka mu nzu ya nyakwigendera, nyamara ntibamenye ikibyihishe inyuma.

Gushidikanya kwabo kwarushijeho kwiyongera igihe babonaga uyu mukobwa ahora ameze nk’ufite urwikekwe ndetse hari ibanga ridasanzwe abitse, yikingirana mu nzu, ndetse atajya yemera ko hari umuntu n’umwe uhinjira.

Abaturage byabanze mu nda bihutira kubimenyesha inzego zishinzwe umutekano.

Abapolisi binjiye mu nzu ku gahato, maze bageze mu cyuma basanga umurambo munsi y’igitanda.

Ukekwaho icyaha yahise atabwa muri yombi ajyanwa kuri polisi kugira ngo hakorwe iperereza ryimbitse kuri icyo cyaha.

Abayobozi ntibarashyira ahagaragara itangazo ryerekeranye impamvu iri inyuma y’ubu bwicanyi.
 

Icyakora, iperereza ry’ibanze ryerekana ko ibyabaye bishobora kuba byaratewe n’amakimbirane hagati y’abakunzi.