RURA
Kigali

EPL: Arsenal yabuze ayo icira n’ayo imira imbere ya Everton

Yanditswe na: ISHIMWE Walter
Taliki:5/04/2025 16:18
0


Ikipe ya Arsenal yaguye miswi na Everton 1-1 maze amahirwe yo kwegukana igikombe cya shampiyona akomeza kujya kwa Liverpool.



Mu mukino wahuje Arsenal na Everton, gice cya mbere cyarangiye cyerekana imbaraga ku mpande  zombi mu kibuga, aho ikipe ya Arsenal yafashe umwanya mwiza nyuma y'igitego kimwe cyatsinzwe na Leandro Trossard.

Muri uyu mukino wabereye kuri Goodson Park, gice cya mbere cyatangiye amakipe yombi yihutisha umukino.

Everton, ikipe izwiho gukina neza imikino ikomeye, yagerageje kugora ikipe ya Arsenal ari nako inyuzamo ikataka izamu ryayo ariko ubwugarizi bwa Arsenal buhagarara neza cyane.

Arsenal nayo yagerageje uburyo butandukanye bwa Raheem Sterling na Mikel Merino bagiye bagaragaza impano zabo mu gutanga imipira myiza, ariko ntibashobore kubyaza umusaruro ayo mahirwe yose.

Kwataka kwa Arsenal byaje gutanga umusaruro ku munota wa 34 kuko Leandro Trossard nyuma yo gukinana neza na Raheem Sterling yaje gufungura amazamu ku ruhande rwa Arsenal.

Arsenal yarangije gice cya mbere iri imbere n'igitego kimwe ku busa bwa Everton. Maze amakipe yombi ajya kuruhuka akubita agatoko ku kandi agiye no kwiga amayeri ayafasha kubona intsinzi.

Mu minota ya mbere y’igice cya kabiri, Myles Lewis-Skelly wa Arsenal yakoze ikosa rikomeye mu rubuga rw’amahina, bituma umusifuzi Darren England atanga penaliti ku ikipe ya Everton. Iliman Ndiaye ni we wayiteye  neza cyane, atsindira ikipe ye igitego cyo kwishyura, maze umukino uhita uba 1-1.

Abakinnyi nka Martinelli na Trossard bagerageje guhirimbanira igitego cya kabiri, ariko umunyezamu wa Everton, Jordan Pickford, yitwaye neza cyane aburizamo ibitego byinshi byari byitezwe, harimo ishoti rikomeye rya Martinelli ryarokowe mu buryo bw’igitangaza.

Mikel Arteta yakoze impinduka zitandukanye azana Bukayo Saka, Martin Ødegaard na Kieran Tierney, mu gihe David Moyes wa Everton na we yazanye abakinnyi barimo Alcaraz, Armando Broja na Ashley Young. Izi mpinduka zose zaje mu rwego rwo kongera imbaraga hagati n’imbere, ariko ntizahise zitanga umusaruro.

Mikel Merino yahuye n’amahirwe akomeye mu minota ya nyuma ubwo yateye umutwe ariko ntiyabasha kuyobora umupira mu izamu. 

Iminota y’inyongera ntiyahinduye byinshi, umusifuzi asoza umukino amakipe anganya igitego 1-1.

Kunganya uyu mukino bitumye Arsenal ikomeza gutakaza amahirwe yo kwegukana igikombe kuko imaze gukina imikino 31 Liverpool ya mbere yo ikaba imaze gukina imikino 30, kandi Liverpool ikaba irusha Arsenal amanota 12. Mu gihe Liverpool yatsinda umukino wayo w'umunsi wa 31, warangira irusha Arsenal Amanota 15.

Arsenal yaguye miswi na Everton

Ilman Ndiaye niwe watsinze igitego cyatumye Arsenal itabona amanota atatu

Nukel Arteta ikindi gikombe cya shampiyona kimunyura mu myanya y'intoki







TANGA IGITECYEREZO

Izina ryawe
Email yawe
Andika igitecyerezo


KOPA

Inyarwanda BACKGROUND