Umuzamu wa Man City yavuze uko mu myaka umunani yakinishije amakariso (Boxer) abiri gusa

Ku munyezamu w’ikipe ya Manchester City, Ederson Moraes, ibintu ntibisanzwe

Uyu Munya-Brazil umaze imyaka umunani ari ku rwego rwo hejuru muri iyi kipe yo mu Bwongereza, yatangaje ikintu gisa n’igitangaje ariko we afata nk’ibanga ry’intsinzi ye aho yatangaje ko mu myka umunani imikino yose yakinnye yambaye amakariso abiri gusa (boxer)

Mu kiganiro yagiranye na Shay Given wahoze ari umuzamu wa Man City nawe, Ederson yagize ati: “Mfite imyemerere imwe gusa! Imikino yose maze gukinira Man City nambaye Boxer ebyiri gusa.

Shay Given yahise amubaza yitonze ati: “Ese iyo boxer uyambara umwaka wose?” Yamwenyuye, asubiza ko ari byo, maze bombi baraseka.

Uyu muco ushobora kumvikana nk’uw’abana, ariko bisa nk’aho Ederson awufatanya no gukora akazi ke neza. Mu myaka umunani amaze muri City, amaze kwegukana ibikombe bikomeye 18 bitandukanye.

Nubwo Manchester City itarimo kwitwara neza muri shampiyona y’uyu mwaka, iracyafite amahirwe yo gutwara ibikombe. Imaze kugera muri 1/2 cya FA Cup kandi izitabira Club World Cup izaba muri iyi mpeshyi.

Abafana benshi bashobora gutungurwa n’iyi myemerere ya Ederson.

Mu bikombe 18 yatwaranye na Man City Ederson Moraes yambaraga ikariso imwe gusa