Rwaka Claude yagizwe umutoza wungirije muri Rayon Sports y'abagabo nyuma yo gufasha iy'abagore kwegukana igikombe cya shampiyona ku nshuro ya Kabiri yikurikiranya.
Ikipe ya Rayon Sports imaze iminsi idafite umutoza w'ungirije nyuma y'uko itandukanye n'Umunya-Tunisia, Quanane Selami mu minsi yashize.
Perezida w'iyi kipe yavuze ko barimo baramushaka ndetse ko bazazana uw'Umunyarwanda usanzwe amenyereye shampiyona, none kuri ubu yagizwe Rwaka Claude usanzwe utoza Rayon Sports y'abagore.
Mu minsi yashize nabwo ubuyobozi bw'iyi kipe bwari bwabigerageje gusa uyu mutoza hagira ibyo atumvukanaho n'umutoza mukuru Robertinho none kuri ubu habayeho kumvikana.
Uyu mutoza asanzwe amenyereye shampiyona y'u Rwanda na Rayon Sports byumwihariko dore ko yakinnyemo ndetse akaba yarayibayemo umutoza w'ungirije ku bwa Haringingo Francis ubwo yegukanaga igikombe cy'Amahoro.
Biteganyijwe ko aratangira izi nshingano kuri uyu wa Kabiri aho araba ari mu myitozo mu Nzove.
Kugeza ubu Rayon Sports iri ku mwanya wa mbere ku rutonde rwa shampiyona aho irusha APR FC iyikurikiye inota 1 nyuma y'uko iherutse gutsindwa na Mukura VS 1-0.
Rwaka Claude yagizwe umutoza wungirije wa Rayon Sports
Eng
RSS 
TANGA IGITECYEREZO