Umukinyi w'iteramakofe w'umunya-Nigeria, Gabriel Oluwasegun Olanrewaju yapfuye nyuma yo kwikubita hasi mu mukino yarimo w'abafite ibiro byinshi muri Ghana ku wa Gatandatu w'Icyumweru gishize.
Oluwasegun, yigeze kuba ari we wa mbere mu cyiciro cye, yataye ubwenge ku munsi wa gatatu w'irushabwa rya Ghana ry'iteramakofwe rizwi nka Ghana Professional Boxing League aho yarwanaga n'umunya-Ghana Jon Mbanugu mu kibuga cya Bukom Boxing Arena i Accra.
Ishyirahamwe ry'umukino w'iteramakofe muri Ghana (GBA) ryemeje inkuru y'urupfu rwe, rivuga ko, yahawe ubutabazi bwa mbere, akajyanwa ku bitaro bya Kaminuza bya Korle-Bu aho yapfiriye hashize minota 30 agejejweyo nk'uko bitangazwa n'ibinyamakuru birimo Boxing News Online.
Umunyamabanga mukuru w'ishyirahamwe ry'umukino w'iteramakofe muri Nigeria , Remi Aboderin, yavuze ko Oluwasegun wari umurwanyi ''udatinya'' yapfyiriye mu kibuga cy'urugamba''.
Yavuze ko ibi atari ibintu bigeze batekereza ko byaba ndetse avuga ko bazakora ibishoboka byose bagafasha abo mu muryango we yasize.
Oluwasegun yari amaze gukina imikino 23, aho yatsinze 13 atsindwa 8 mbere y'uko ahura na Mbanugu.
Oluwasegun witabye Imana aguye mu mukino
Eng
RSS 
TANGA IGITECYEREZO