Zimwe yazirangije nyuma y'uko ayimuritse! The Ben yasohoye Album yahurijeho abahanzi batatu

The Ben yari aherutse kubwira InyaRwanda, ko iyi Album ye izajya ku isoko tariki 31 Mutarama 2025, ndetse tariki 28 Gashyantare 2025, azataramira abakunzi be mu buryo bwihariye agamije kuyibumvisha mu birori bikomeye bizabera muri Kigali Convention Center. 

Yaherukaga muri Kigali Convention Center ahakorera ubukwe mu Ukuboza 2023. Iyi Album igiye ku isoko nyuma y'uko ku wa 1 Mutarama 2025 akoze igitaramo gikomeye yayimurikiyemo ashyigikiwe n'abahanzi bagenzi be yari yatumiye.

Yumvikana mu njyana zirimo Afrobeat, Zouk, Reggae ndetse na Amapiano. InyaRwanda yabonye amakuru yizewe avuga ko ubwo The Ben yamurikaga iyi Album zimwe mu ndirimbo zitari zarangiye neza zose, byatumye afata igihe ari kumwe na Producer kugirango azinononsore neza mbere y'uko zijya ku isoko.

The Ben asohoye iyi Album mu gihe abitse indirimbo nyinshi mu kabati zigize izindi Album zizajya hanze. Anasohoye, iyi Album mu gihe aherutse gushyira umukono ku masezerano yo kuba 'Brand Ambassadors' w'ubukangurambaga buzatangazwa mu gihe kiri imbere.

Ku mwanya wa Karindwi kuri iyi Album yashyizeho indirimbo yise 'Icyizere' utarayumva wagirango niwe wagusa waririmbyemo, ariko humvikanamo ijwi rya Uncle Austin, umuhanzi n'umunyamakuru bakoranye igihe kinini.

Ku mwanya wa cyenda, uyu muhanzi yashyizeho indirimbo 'Baby' yakoranye na Marioo. Ibiganiro bye na Marioo byatangiye muri Kamena 2024, ajya muri Tanzania muri Nyakanga 2024 bakorana iyi ndirimbo. The Ben yakunze kugaragaza ko Marioo yamubereye inshuti nziza, kandi yishimira umubano bafitanye. Muri iyi ndirimbo, Marioo aririmba mu rurimi rw'Ikinyarwanda, akavanga n'icyongereza.

Ku mwanya wa 10, The Ben yashyizeho indirimbo yo kuramya no guhimbaza Imana yise 'Isi' ifite iminota 3 n'amasegonda 51'. Aririmba asaba Imana kurinda intambwe kandi "Mu marira n'umubabaro sinzava ku mwami wanjye... Isi irimo irashirana n'ibyayo, rinda intambwe zanjye, ntumbiriye wowe mwami."

Album iriho indirimbo 12 zirimo: Inkuta z'umutima, My Name yakoranye n'umuraperi Kivumbi King, Ni Forever na True Love yahimbiye umugore we, Plenty yakomoyeho ijambo yitiriye Album ye, Nana, Icyizere yakoranye na Uncle Austin, Better, Baby yakoranye na Marioo uri mu bakomeye muri Tanzania, Isi, For You ndetse na Madona.

Indirimbo ifite iminota micye ifite iminota 2 n'amasegonda 22', ni mu gihe ifite iminota minshi igejeje iminota 4 n'amasegonda 3'. Bigaragara ko iyi Album yagiye hanze bigizwemo uruhare na Sosiyete y'umuziki ya ONErpm bamaze igihe kinini bakorana yashoye imari mu bikorwa bye. Umubare munini w'indirimbo ziri kuri iyi Album zakozwe na Producer Knoxbeat

Kanda hano ubashe kumva Album ya Gatatu The Ben yise ‘Plenty Love’

 

The Ben yatangaje ko isohoka rya Album ye nyuma y’uko ku wa 1 Mutarama 2025 akoze igitaramo cyo kuyimurika

Uncle Austin yumvikana mu ndirimbo ‘Icyizere’ iri kuri Album ya The Ben 

Kivumbi King, yabaye umuraperi rukumbi wumvikana kuri Album ya The Ben

 

The Ben yasohoye iyi Album mu gihe enye zari zisanzwe ziri hanze, inshya ni umunani 

Marioo uri mu bakomeye muri Tanzania yakoranye bwa mbere na The Ben indirimbo 

KANDA HANO UREBE AMASHUSHO Y'INDIRIMBO 'TRUE LOVE' IRI MU ZIGIZE ALBUM YA THE BEN

">