Umukinnyi w'ikipe y'igihugu ya Brazil, Neymar da Silva Santos Júnior yasubiye mu ikipe yakuriyemo ya Santos ayisanga muri shampiyona y'icyiciro cya Kabiri.
Uyu mukinnyi uheruka gutandukana na Al Hilal yo muri Arabia Saudite aseshe amasezerano,ku munsi w'ejo ku wa Kane tariki ya 30 Mutarama 2025, yatangaje ko yamaze gufata umwanzuro wo kwerekeza muri Santos.
Yavuze ko hari hashize imyaka 12 ayivuyemo ariko wagira ngo ni ejo hashize. Yavuze ko kandi ibyiyumviro kuri iyi kipe bitigeze bihinduka.
Biteganyijwe ko Neymar da Silva Santos Júnior ararekanwa kuri uyu wa Gatanu muri Stade ebyiri aho arurira kajugujugu muri Pacaembú Stadium hanyuma ikagwa muri Vila Belmiro Stadium.
Neymar Jr yazamukiye mu ikipe ya Santos y'iwabo muri Brazil aho yatangiriye mu ikipe yayo y'abato muri 2003 akaza kuzamurwa mu ikipe nkuru muri 2009 mbere y'uko yerekeza muri FC Barcelona mu 2013 atanzweho akayabo k'amafaranga agera kuri miliyoni 57 z'Amapawundi.
Uyu mukinnyi asubiye muri iyi kipe gusa ayisanze muri shampiyona y'icyiciro cya Kabiri muri Brazil nyuma y'uko yamanutse mu 2023 gusa ubu iri ku mwanya wa Mbere n'amanota 68.
Neymar yemeje ko yasubiye muri Santos ikina icyiciro cya Kabiri
Eng
RSS 
TANGA IGITECYEREZO