Ahabanza Imikino

Heroes Cup 2025: Aho ntitwabona irushanwa rya Coppy Paste ya 2024?

Yanditswe na: ISHIMWE Walter
Taliki:29/01/2025 14:17 0

Uretse ikipe ya Musanze FC itaragaragaye mu gikombe cy’Intwari cya 2025 igasimburwa na AS Kigali, irushanwa ry’uyu mwaka kuribamo birasa neza n’ibyabaye mu mwaka wabanje.

Kuva ku itariki 28 Mutarama 2025 mu Rwanda hatangiye irushanwa ry’igikombe cy’Intwari aho rizasozwa ku itariki 1 Gashyantare 2024.

Ikipe ya Police FC na APR FC nizo zizacakirana ku mukino wa nyuma kuko Police yahageze isezereye Rayon Sports kuri penaliti 3-1 naho APR FC ihagera nyuma yo Gusezerera AS Kigali ku bitego 2-0.

Uretse kuba ikipe ya APR FC yageze ku mukino wa nyuma isezereye AS Kigali, no mu mwaka wabanje yari yakinnye umukino wa nyuma nyuma yo gusezerera ikipe ya Musanze Fc kuri Penaliti nyuma yo kunganya 1-1 mu mukino usanzwe wari wakinwe murio ½ mu gikombe cy’Intwari cyakinwe muri 2024.

Ikipe ya Police yo nk’uko yabisubiyemo mu mwaka ushyize yari yasezereye Rayon Sports muri penaliti nyuma y’uko umukino nanone wari warahuje amakipe yombi yari yanganyije igitego 1-1.

Nyuma y’uko APR FC isezereye AS Kigali na Police FC igasezerera Rayon Sports, umukino wa nyuma neza neza uzaba umeze nk’uwo m 2024 kuko n’ubundi Police FC yacakiranye na APR FC ku mukino wa nyuma.

Mu mukino wa nyuma wa 2024 ikipe ya Police FC ibifashijwemo na Peter Agbrevol yatsinze ibitego bibiri yegukanye igikombe ku ntsinzi ya 2-1 kuko igitego kimwe rukumbi ikipe ya APR FC yatsinze cyatsinzwe Nshimirimana Yunusu.

Kuri uyu wa Gatandatu itariki 1 Gashyantare 2025 ikipe ya APR FC irongera gucakirana na Police FC ku mukino wa nyuma w’Igikombe cy’Intwari, aho umusaruro uri kukivamo udatandukanye cyane n’uwakivuyemo mu mwaka ushyize.

Abakinnyi bo kwitega ku mukino wa nyuma ku ruhande rwa Police Fc ni Umuzamu Niyongira Patience, Nsabimana Eric, Ishimwe Christian, Bigirimana Abedi, Mandela Achlaf, Ani Elijah, Msanga Henry, Yakubu Issah, Mugisha Didier, Alan Kateregana Byiringiro Lague ndetse n’abandi.

Ku ruhande rwa APR FC abakinnyi bo kwitega ku mukino wa nyuma harimo umuzamu Pavelh Ndzila, Niyigena Clement, Niyomugabo Claude, Alioune Souane, Denis Omedi, Ndayishimiye Dieu Donne, Mahamadou lamine Bah, Ruboneka Bosco, Hakim Kiwanuka, Mugisha Gilbert na Dauda Youssif ndetse n’abandi.