Uganda: Yavuze uko umuhanzi Vyroota yamuteye inda akamuha ibihumbi 11 Frw yo gutega

Umukobwa witwa Sharon yamenyekanye asobanura inkuru ye y’uburyo Vyroota yamuhaye amashilingi 30,000 yo gutega. Sharon yavuze ko yatwaye inda nyuma y'uko ahuye na Vyroota mu Ukuboza 2024, aho bahuriye mu nzu ye yo mu gace ka Namugongo.

Nk’uko Sharon abivuga, bagiranye imibonano mpuzabitsina idakingiye, maze nyuma yaho ahabwa amafaranga y'amashilingi ibihumbi mirongo itatu (Shs 30,000) nk’amafaranga yo gutega agaruka mu rugo. Ariko igihe cyegereje Noheli, yatangiye kumva ibimenyetso byo gutwita, birimo kuruka n'ibindi. 

“Nagerageje kunywa icyayi mu gitondo, ariko birangora kuko cyagarukaga. Nahise mbwira Vyroota, ariko yatangiye kunkeka, ambwira ngo ‘Ibyo ni ibiki? Uri kuntera ubwoba?.

 N’ubwo Vyroota atashakaga kugira icyo abivugaho, Sharon yakomeje gushaka kumuvugisha, kugeza aho yamumenyesheje binyuze kuri WhatsApp ko atwite, gusa Vyroota ntiyasubiza ubutumwa.

Nyuma y’igihe, Vyroota yamuhamagaye maze amusaba ko bahura mu nzu ye. Sharon ati: “Ni we muntu rukumbi twakoranaga imibonano mpuzabitsina kuva nava mu ishuri".

Sharon avuga ko nyuma Vyroota yamujyanye kwa muganga kugira ngo bamenye neza niba atwite. Ibyavuye mu isuzuma byagaragaje ko yari atwite. 

Nyuma, Sharon avuga ko Vyroota n’umuyobozi we Hamza Walugembe batangaje ko bamusabye gukuramo inda, bamushishikariza kubera imyaka yabo mike no kuba kariyeri ya Vyroota yari iri mu nzira y'iterambere.

Sharon yagize ati:" Nari niteguye kandi sinashakaga gukuramo inda", Ariko ngo nyuma yaho, Sharon avuga ko yashutswe agahabwa imiti avuga ko ari iyo gufasha inda, ariko nyuma asanga ari imiti yo gukuramo inda.

Sharon avuga ko kuva ubwo, Vyroota yamukuyemo(Block) ku mbuga nkoranyambaga ndetse amubuza kuvugana nawe kuri WhatsApp. Yongeyeho ko yarukanywe mu rugo na bene wabo nyuma y’uko ibyo byose byamenyekanye. “Nta ho mba, sinzongera no gusubira kw'ishuri".

"Aba bantu bibanze ku nyungu zabo ndetse no ku izina rya Vyroota, ariko iyo mfa byari kugenda gute?” Sharon yabajije mu kiguzi. Iyi nkuru ya Sharon imaze kwitabwaho cyane mu bantu benshi, nubwo Vyroota atigeze yiregura cyangwa avugaho iki kibazo kugeza ubu.

Sharon yasobanuye inkuru ye na Vyroota uko byagenze kugira ngo amutere inda anamuhatire kuyikuramo

Vyroota ari kuvugwaho gutera umukobwa inda akanahatira umukobwa yayiteye kuyikuramo