Game Changers: Bite by’abakinnyi bavugwa muri Rayon Sports barimo Fahad Bayo na Brighit Anukani? - VIDEO

Mu kiganiro cyo kuri uyu wa Mbere twagarutse ku kuntu APR na Rayon Sports zikomeje kwitwara ku isoko ry’igura n’igurisha ndetse n’uko ikipe ya Arsenal yaba itangiye kongera gutakaza igikombe hakiri kare n’uko ibintu bikomeje kuba bibi mu ikipe ya Manchester United.

Mu kiganiro Game Changers twagarutse ku bakinnyi bakomoka muri Uganda Ikipe ya APR FC yamaze gusinyisha ari bo Hakim Kiwanuka, Denis Omedi. Ni abakinnyi baje kuyifasha kuguma guhatanira igikombe cya shampiyona cyane ko igice cya mbere cya shampiyona cyarangiye APR FC ari iya kabiri inyuma ya Rayon Sports.

Mu kiganiro Game Changer gitambuka ku InyaRwanda TV, hakomojwe ku ngingo ya Rutahizamu Djibril Ouattra uherutse gusinyira APR FC, kuko bigaragara ko yari umukinnyi ukomeye kuko ba rutahizamu yari irambirijeho aribo Mamadou Sy na Victor Mbaoma ntakinini bayifashije, bikaba byarageze ubwo APR FC yifashisha Tuyisenge Arsene nka rutahizamu kandi yari asanzwe ari umukinnyi ukina anyuze ku ruhande.

Ku ngingo yo kuba ikipe ya APR FC yarasoreje ku mwanya wa kabiri ariko imikino yagiye itsinda ikayitsinda ishinjwa gukina umukino utaryoshye, muri Game Changers hasanzwe bikwiye ko umutoza wa APR FC yahindura ibitekerezo akagira abakinnyi aha imyanya nabo bagakina.

Muri iki kiganiro byagaragaye ko kuba APR FC yaraguze abakinnyi nka Hakim Kiwanuka, Denis Omedi na Djibril Ouattra bitavuze ko igiye kuza ngo iryane, kuko no ku isoko ry’igura n’igurisha ryo mu mpeshyi nabwo yari yaguze abakinnyi bakomeye cyane.

Mu kiganiro Game Changers cyo kuro uyu wa Mbere twagarutse no ku ikipe ya Rayon Sports yasoje igice cya mbere cya shampiyona ari iya mbere ariko kugeza ubu ku isoko ry’igura n’igurisha ikaba ikomeje kuvugwamo abakinnyi bamwe ibiganiro bigikomeje abandi ibiganiro bikaba byaranze ariko kugeza ubu ikaba nta mukinnyi irongeramo.

Abakinnyi bakomeje kuvugwa muri Rayon Sports harimo Joseph Sackey ukinira Muhazi United, Aaron Banega wa Nyasa Big Bullets, Brighit Anukani, Aziz Fahad Bayo ndetse n’abandi.

Ku mugabane w’iburayi mu kiganiro Game Changers twagarutse ku kuntu ikipe ya Manchester United ikomeje kwitwara nabi, ikipe ya Arsenal yo yanganyije na Aston Villa itakaza ikizere cyo gutwara igikombe, naho Manchester City igaruka mu bihe byo gutsinda.

VIDEO: Iyakaremye Emmanuel - InyaRwanda Tv