Ikipe ya Manchester City yanyagiye Ipswich Town ibitego 6-0 naho Manchester United yongera gutembagara itsindwa na Brighton mu mikino yo ku munsi wa 22 wa shampiyona y'icyiciro cya mbere mu Bwongereza.
Ni mu mikino yakinwe kuri iki Cyumweru tariki ya 19 Mutarama 2025. Saa kumi nebyiri n'iminota 30, Ipswich Town yari yakiriye Manchester City kuri Portman Road.
Uyu mukino watangiye ikipe ya Ipswich Town ariyo isatira cyane inabona koroneri nyinshi ariko kuzibyaza umusaruro bikaba ikibazo. Ku munota wa 14 Liam rutahizamu wa Ipswich Town,Delap yacenze Jusko Gvardiol agiye kurekura ishoti ariko Ruben Dias aratabara.
Ikipe ya Manchester City nayo yagiye inyuzamo ikabona uburyo imbere y'izamu nkaho Erling Haaland yabonye umupira asigaranye n'umunyezamu ariko kuwishyira mu izamu biramunanira.
Ku munota wa 27 Manchester City yaje gufungura amazamu ku gitego cyari gitsinzwe Phil Foden. Nyuma yo gufungura amazamu iyi kipe itozwa na Pep Guardiola yakomeje gusatira maze ku munota wa 30 itsinda icya 2 gitsinzwe na Mateo Kovacic ku mupira yarahawe na Phil Foden.
Mbere yuko igice cya mbere mbere iyi kipe yatsinze igitego cya 3 ku mupira Kevin De Bruyne yarahaye Phil Foden arekura ishoti Christian Walton agiye kurikuramo birangira rimujyanye mu izamu.
Mu gice cya kabiri Ipswich Town yaje ikomeza kugaragaza intege nke bigatuma Manchester City iyirusha mu buryo bwose.
Bidatinze ku munota wa 49 Kevin De Bruyne yahaye umupira Jeremy Doku yinjira mu rubuga rw'amahina arekura ishoti riragenda rikubita ku kuguru kwa Dara O'Shea riruhukira mu izamu.
Kuwa 57 Erling Haaland yatsinze icya 5 ku mupira yarahawe na Jeremy Doku naho ku munota wa 69 James MacAtee ahawe umupira na Mateo Kovacic.
Umukino warangiye Manchester City inyangiye Ipswich Town ibitego 6-0 ihita ifata umwanya wa 4 n'amanota 38.
Undi mukino wari wabaye Manchester United yatsinzwe na Brighton ibitego 3-1.
Manchester City yanyagiye Ipswich Town ibitego 6-0
Eng
RSS 
TANGA IGITECYEREZO