Abakinnyi babiri bakomoka muri Uganda, Hakim Kiwanuka na Denis Omodi baheruka gusinyira ikipe ya APR FC bakuwe mu ikipe y'Igihugu ya CHAN 2024 nyuma y'uko bari bahamagawe ku rutonde rw'agateganyo.
Ku Cyumweru ni bwo ishyirahamwe ry'umupira w'amaguru muri Uganda, FUFA, ryashyize hanze urutonde ndakuka rw'abakinnyi 28 bazifashishwa mu mikino y'igikombe cya Afurika cy’Abakina imbere mu bihugu byabo (CHAN 2024).
Uru rutonde rwagiye hanze nyuma yuko Paul Put yari yabanje gushyira hanze urundi rutonde rw'abakinnyi 38 barimo Hakim Kiwanuka na Denis Omedi. Aba bakinnyi ariko bakuwe ku rutonde ndakuka bijyanye nuko baheruka gusinyira ikipe ya APR FC kandi bikaba bitemewe ko umukinnyi ukina hanze y'igihugu cye yakifashishwa muri iyi mikino ya CHAN .
Hari amakuru yari yabanje kuvugwa ko ikipe ya APR FC ishobora gutiza aba bakinnyi mu makipe bakiniraga kugira ngo bazabone uko bakina iri rushanwa ubundi bakazaza mu Rwanda nyuma yaryo ariko nabyo ntabwo byakunze.
Abandi bakinnyi batagaragara kuri uru rutonde rw'ikipe y'igihugu ya Uganda harimo Sadat Anaku na Milton Karisa baheruka kugira ibibazo by'imvune.
Iyi kipe y'igihugu yahise itangira imyitozo kuri uyu wa Mbere yitegura imikino ya CHAN 2024 izaba kuva tariki ya 1 kugeza tariki ya 28 Gashyantare ikabera muri Uganda, Tanzania na Kenya. Ni mu gihe tombola y'iri rushanwa yo itegerejwe kuwa Gatatu w'iki Cyumweru muri Kenya.
Urutonde ndakuka rw'abakinnyi 28 bazifashishwa na Uganda muri CHAN 2024
Eng
RSS 
TANGA IGITECYEREZO