Buri mukinnyi w'ikipe y'Amagaju FC yemerewe guhabwa agahimbazamusyi k'ibihumbi 200 by'amafaranga y'u Rwanda nyuma yo gutsinda ikipe ya APR FC.
Kuri iki Cyumweru Saa Cyenda nibwo Amagaju FC yari yakiriye APR FC mu mukino wo ku munsi wa 15 shampiyona y'icyiciro cya mbere mu Rwanda.
Uyu mukino warangiye Amagaju FC atsinze igitego 1-0 cya Ndayishimiye Edouard cyabonetse ku munota wa 56 ku mupira waruhinduwe na Dusabe Jean Claude.
Nyuma y'uyu mukino ubuyobozi bw'ikipe y'Amagaju FC bwemereye abakinnyi ko bugomba kubaha ibihumbi 200 nk'agahimbazamusyi.
Ni ubwa mbere iyi kipe yo mu karere ka Nyamagabe itsinze APR FC kuva yashingwa.
Amagaju FC yizihizaga imyaka 90 imaze ishinzwe yahise isoreza imikino ibanza ku mwanya wa 8 n'amanota 21 mu gihe APR FC yo yasoreje ku wa 2 n'amanota 31.
Eng
RSS 
TANGA IGITECYEREZO