Vinicius Junior ashobora kugura ikipe muri Portugal

Uyu mukinnyi kuri ubu uri Jeddah muri Arabia Saudite aho ari kumwe n'ikipe ye ya Real Madrid yagiye gukina imikino ya Super Cup ari gutekereza ku bucuruzi yazakomerezamo naramuka asoje gukina umupira w'amaguru.

N'kuko ikinyamakuru ESPN cyabitangaje bumwe mu bucuruzi Vinicius ashaka gukora harimo no kuba yashora imari ye mu mupira w'amaguru agura ikipe.

Arashaka kugura ikipe ya yo mu cyiciro cya kabiri muri Portugal ya Portimonense. Iyi ni kipe ya kabiri y'amakipe asanzwe akina shampiyona y'icyiciro cya mbere muri Portugal ya Benfica na Porto aho abakinnyi bayo bakiri bato ariho bakina.

Vinicius ni umwe mu bakinnyi bahembwa amafaranga menshi mu ikipe ya Real Madrid ariko usibye n'ibi abona n'andi mafaranga menshi akuramo hanze y'ikibuga nk'aho aheruka kugirana amasezerano n'uruganda rwa Nike yo kuzajya arwamamaza akaba azarangira muri 2028.

Mu gihe uyu mukinnyi yaba ayiguze yaba yiyongereye ku bandi bakinnyi baguze amakipe bagikina barimo N’Golo Kante waguze ikipe ya Royal Excelsior Virton ikina muri shampiyona y'icyiciro cya Gatatu mu Bubiligi na Kylian Mbappe uheruka kugura imigabane muri Caen ikina shampiyona y'icyikiro cya kabiri mu Bufaransa.

Vinicius Junior ashobora gushora imari ye mu kugura ikipe y'umupira w'amaguru