Mu kiganiro cya Vybz Kartel n'ikinyamakuru cya Billboard, umuhanzi w'icyamamare muri Jamaica, Vybz Kartel yashyize ahagaragara igitekerezo cye avuga uburyo atazi umuraperi w'icyamamare Kendrick Lamar n'uburyo akunda imikorere ya Drake.
Vybz Kartel yavuze ko atari umufana wa Kendrick Lamar ndetse ko atanumva umuziki we. Ibyo byose yabivuze biturutse ku byo yari abwiwe. Yabwiwe uburyo Drake yavuze ko Vybz Kartel amufata nk'icyitegerezo, ahita abazwa ati: "Utekereza ute uburyo yanyuze mu makimbirane ye na Kendrick Lamar umwaka ushize?"
Nk'uko tubicyesha Billboard, Vybz Kartel nawe yasubije iki kibazo yivuye inyuma agira ati: "Sindi umufana wa Kendrick Lamar, sinjya nanamwumva. Ntabwo numva indirimbo ze, ese aririmba iki? Naramubonye ku mbuga nkoranyambaga, ariko nta nubwo musuzugura".
Nyamara, Vybz Kartel yashimangiye ko umuraperi Drake afite umubano mwiza n'ubuhanzi bwa Jamaica n'umuco waho. Yagize ati: "Drake arushaho kumenya neza umuco wa Jamaica. Drake ni umuhanzi ukomeye kandi w'icyamamare kuruta Kendrick".
Ibi byavuzwe na Vybz Kartel wari umaze imyaka isaga 13 afunze, bigaragaza ko afite igitekerezo kinyuranye n'abandi bakurikiranira hafi indirimbo z'aba bahanzi bombi. Kuri we, Drake ahagaze neza buryo bwiza mu mwuga w'umuziki kandi ahuza neza na Jamaica ndetse n'umuco waho.
Vybz Kartel yatunguranye avuga ko atazi Kendrick Lamar
Drake ni we muhanzi w'icyitegererezo kuri Vybz Kartel
Eng
RSS 
TANGA IGITECYEREZO