Ibyo kubona itike y’Igikombe cya Afurika cy’Abakina imbere mu bihugu byabo (CHAN 2024) ku ikipe y'igihugu y'u Rwanda, Amavubi, bikomeje kuba urujijo nyuma y'uko ejo CAF yibeshye.
Ku Cyumweru ni bwo impuzamashyirahamwe y'umupira w'amaguru muri Afurika, yashyize hanze amwe mu makipe yamaze kubona itike ya CHAN 2024 izabera muri Tanzania, Kenya na Uganda.
Amwe muri ayo makipe harimo ikipe y'igihugu y'u Rwanda, Amavubi, gusa nyuma byaje kugaragara ko hari habayemo kwibeshya dore ko CAF yahise ibihindura.
Nyuma y'ibi, ubwo imikino yose yo gushaka itike ya CHAN 2024 yari irangije gukinwa ejo nimugoroba, ibinyamakuru bitandukanye ndetse n'abanyamakuru bakomeye bongeye gushyira Amavubi mu makipe ntakuka yabonye itike y'iri rushanwa.
Ayo makipe yabonye itike muri rusange ni: Angola, Burkina Faso, Central African Republic, Congo, DR Congo, Guinea, Mauritania, Morocco, Madagascar, Niger, Nigeria, u Rwanda, Senegal, Sudan na Zambia ukongeraho Tanzania, Kenya na Uganda.
Ibi biri kuba mu gihe hari amakipe y'ibihugu yanze kwitabira amajonjora ya CHAN 2024 bikaba bivugwa ko Amavubi nk'ikipe yabaye iya kabiri mu mikino y'Amajonjora muri CECAFA ishobora kuba yahabwa amahirwe yo na Sudani yabaye iya mbere zikaba zahabwa itike.
Kugeza ubu nta cyo ishyirahamwe ry'umupira w'amaguru mu Rwanda, FERWAFA, riravuga kuri aya makuru niba ikipe y'igihugu yaba yabonye itike koko.
Ibyo kubona itike ya CHAN 2024 ku Amavubi bikomeje kuba urujijo
Eng
RSS 
TANGA IGITECYEREZO