Myugariro w'ikipe y'igihugu y'u Rwanda, Amavubi, Nsabimana Aimable yandikiye Rayon Sports ayisaba gutandukana na yo nyuma yuko iyi kipe imwishyuye igice cy'amafaranga yari yaguzwe ntibimushimishe.
Mu mpeshyi y'umwaka ushize ni bwo uyu mukinnyi yongereye amasezerano y'umwaka mu ikipe ya Rayon Sports. Yemerewe guhabwa miliyoni 15 z'Amanyarwanda nka 'recruitment' gusa ntiyahita ahabwa yose ahubwo aba ahawe 2 Frw gusa.
Mbere yuko umwaka wa 2024 urangira, ikipe ya Rayon Sports yaje kwishyura amafaranga yari ibereyemo abakinnyi maze igira abo iha igice barimo na Nsabimana Aimable aho we bamuhaye miliyoni 8 Frw gusa.
Ibi ntabwo byigeze bishimisha uyu mukinnyi none yahisemo kwandikira iyi kipe ayisaba gutandukana na yo ndetse nta nubwo ari kwitabira imyitozo.
Ni mu gihe Rayon Sports yo igiye kwandikira Nsabimana Aimable imubwira ko yataye akazi. Ibi biri kuba mu gihe iyi kipe yitegura umukino wa shampiyona na Police FC uzaba kuwa Gatandatu Saa kumi n'ebyiri kuri muri Kigali Pelé Stadium.
Nsabimana Aimable yandikiye Rayon Sports ayisaba gutandukana na yo
Eng
RSS 
TANGA IGITECYEREZO