Umutoza ukomoka muri Afurika y'Epfo,Ayabonga Lebitsa wongereraga imbaraga abakinnyi ba Rayon Sports yayisezeyeho nyuma y'umwaka ayigezemo.
Uyu mutoza wari waragiye mu biruhuko by'iminsi mikuru iwabo yasezeye kuri Murera kuri iki Cyumweru tariki ya 29 Ukuboza.
Ayabonga Lebitsa washimwaga n'abakinnyi bijyanye n'uburyo yabafashaga mu kongera imbaraga, yari yarageze muri iyi kipe yambara Ubururu n'Umweru yari yarayigezemo mu mwaka ushize aho yari azanye na Yamen Zelfani waje kugenda akahamusiga.
Amakuru avuga ko Hategekimana Corneille ariwe uhita usimbura uyu mutoza akongera gukorana na Robertinho bari barakoranye muri Rayon Sports mu 2018 ubwo bayifashaga gutwara igikombe cya shampiyona ndetse bakaba baherukaga gukorana muri Simba SC aho bavuye birukanywe.
Uyu mutoza asanzwe amenyereye shampiyona y'u Rwanda dore ko yanatoje ikipe ya AS Kigali. Ayabonga Lebitsa asezeye muri Rayon Sports nyuma y'uko imeze neza muri shampiyona dore ko kuri ubu ariyo iyoboye urutonde rwa shampiyona n'amanota 33.
Eng
RSS 
TANGA IGITECYEREZO