Dore uburyo buhendutse bwagufasha kugabanya ibiro mu buryo bwihuse

Yashyizwe ahagaragara na Sumiko Watanabe, inzobere mu by’imiti y’ubuzima, hamwe n’umugabo we Hamachi. Ubu buryo bwagiye bukundwa cyane kuko ari bworoshye, buhendutse kandi bushobora kugerwaho n’abantu benshi.

Uko ubu buryo bukora

1.Ifunguro rya mu gitondo

Fata umuneke umwe cyangwa ibiri hamwe n’ikirahure cy’amazi y’akazuyazi. Ibi bigize ifunguro ryawe rya mu gitondo.Umuneke ufashe uko wose, nta kuvanga cyangwa gutegura ibindi biryo.

2.Amafunguro yo ku manywa na nimugoroba

Kurya ibisanzwe ariko bigizwe n’ibiryo bifite intungamubiri kandi biringaniye.

Irinde ibiribwa bikize ku binyamavuta byinshi cyangwa isukari nyinshi.

3.Kwirinda kurya nijoro:

Ntukarye nyuma ya saa mbili z’ijoro. Ibi bigamije guha umubiri umwanya wo gutwika ibinure biba byatanzwe n’amafunguro ya mbere.

4.Amazi menshi

Kunywa amazi ahagije byibuze litiro 2 ku munsi. Ni byiza kunywa amazi ashyushye cyangwa akonje atuzuye.

5.Gusinzira neza:

Umubiri ukeneye guhabwa umwanya wo kuruhuka no gusubiranya imikorere yawo. Gusinzira amasaha 7–8 ku munsi ni ingenzi.

Impamvu  ubu buryo bukora neza

1.Imineke nk’igihingwa cy’intangarugero:

Umuneke ni igihingwa cyihariye gikunze kuribwa ku isi yose. Urimo intungamubiri nyinshi zirimo:

Potasiyumu: Ifasha mu gukura amazi mu mubiri kandi ikagabanya umuvuduko w’amaraso.

Fibres: Zigira uruhare mu mikorere myiza y’igogora.

2.Amazi y’akazuyazi:

Amazi afasha mu mikorere myiza y’impyiko, igogora, no kugabanya ubushake bwo kurya.

3.Guhagarika kurya nijoro:

Umubiri utwika ibinure byinshi iyo umuntu atariye nijoro, bityo bikagabanya ibiro mu buryo bwihuse.

Inyungu za Japanese Morning Banana Diet:

1.Ubworoherane mu kuyikurikiza

Ubu buryo ntibusaba byinshi cyangwa ibikoresho bihenze. Umuntu asabwa kugura imineke gusa n’amazi yo kunywa.

2.Gukora neza ku buzima rusange

Kugabanya ibiro si byo byonyine bigerwaho, kuko iyi rejime ifasha kandi mu kugabanya umuvuduko w’amaraso, kugenzura isukari mu maraso, no kongera imbaraga z’umubiri.

3.Ihuriro n’ubuzima bwiza bw’Abayapani

Ubu buryo bwavuye mu muco w’Abayapani, aho bagira umuco wo kurya ibiribwa bisanzwe kandi by’umwimerere.

Inama :

1.Kugisha inama inzobere

Nubwo ubu buryo bufasha benshi, ni byiza kugisha inama inzobere mu mirire cyangwa muganga, cyane cyane ku bantu bafite ibibazo byihariye by’ubuzima, nko kwikanyaga cyangwa diyabete.

2.Kwirinda kurya ibiryo bifite isukari nyinshi

Ibiribwa by’imineke bihagije mu gusimbura isukari n’amavuta bikabije.

3.Gukomeza kwita ku ngingo z’imyitozo ngororamubiri

Nubwo rejime itagaragaza cyane gukora imyitozo, kuyikoraho byibuze iminota 20 ku munsi byongera ingaruka nziza.

Urugero rw’icyumweru kimwe:

Ku munsi wa mbere: Fata umuneke 1 mu gitondo n’ikirahure cy’amazi. Ku manywa, rya isombe n’igikoma. Nimugoroba, kurya ibiribwa byoroheje nk’inyanya n’ibishyimbo.

Ku munsi wa kane: Kurya umuneke 2 mu gitondo. Ku manywa, shyira imboga mu ifunguro ryawe. Nimugoroba, imbuto gusa.

Ibyo abantu bavuga ku mpinduka:

Abantu benshi bakoresheje iyi rejime bavuga ko yagabanyije ibiro hagati ya 3–5 mu byumweru bibiri, kandi bakiyumva neza kurusha mbere. Ubu buryo kandi bwagiye bushimangirwa mu mico y’Abayapani ku buzima bwiza.

Umwanzuro:

Ubu buryo ni  imwe mu nzira zoroshye kandi zihendutse zagufasha kugabanya ibiro mu buryo bwihuse kandi burambye, byose bikagendana no kugira ubuzima bwiza. Gusa, ihatire kugisha inama igihe ushidikanya ku ngaruka zayo.

Umwanditsi:Rose Mary Yadufashije