Umwaka wa 2024 washaririye cyane UNICEF kubera abana bari mu bice byibasiwe n’intambara

Intambara mu Burasirazuba bwo hagati zifite ingaruka zikomeye ku burezi bw'abana. Mu 2015, Ishami ry'Umuryango w'Abibumye ryita ku bana, UNICEF, ryatangaje ko abana bagera kuri miliyoni 13.7 bafite imyaka yo kujya ku ishuri muri Siriya, Irake, Yemeni, Libiya, na Sudani batari mu mashuri, bingana na 40% by'abana miliyoni 34 muri ibyo bihugu.

Muri Gaza, intambara zikomeje zatumye amashuri yose afungwa, bigira ingaruka ku banyeshuri 625,000. Byongeye, hafi 90% by'inyubako z'amashuri muri Gaza zarasenyutse, bikomeza kubangamira uburyo bwo kwiga. Izi nzitizi zigira ingaruka z'igihe kirekire ku mikurire y'abana n'ahazaza habo.

Abana barenga miliyoni 473 bangana n’umwana 1 kuri 6 kw'isi ubu bari mu bice byibasiwe n’intambara. Umubare w’abana bahura n’ibikorwa by’ihohoterwa bikomeje kwiyongereye, harimo kwicwa, gukomereka, kubura amahirwe yo kwiga, no guhura n’inzara ikabije.

Muri 2023, abana 47.2 miliyoni bari baravuye mu byabo kubera intambara n’ubugizi bwa nabi. Imibare ya 2024 igaragaza ko hari abandi bana benshi bagenda bimurwa kubera kongera ubukana kw’intambara mu bihugu nka Ukraine,Yemen, Haiti, Sudani, Palestina, na Myanmar.

Catherine Russell, Umuyobozi Mukuru wa UNICEF, mubuzima ti: “Umwana uri mu ntambara afite ibyago byinshi byo kubura ubuzima busanzwe kurusha uri ahari amahoro. Ntitwakomeza kwemera ko ibi biba nk'ibisanzwe.”

Mu bice bimwe byugarijwe n’intambara, abana bagera kuri 52 miliyoni ntibakibasha kujya ku ishuri. Ku rundi ruhande, abana benshi bahuye n’inzara n’ubuzima bubi kubera guhagarara kw’ibikorwa byo kugeza ibiribwa n’imiti ku baturage.

Nk'uko UNICEF ibitangaza, irasaba abafite uruhare mu ntambara bose guhagarika ibikorwa byo gukomeza guhungabanya uburenganzira bw’abana, ndetse no gushyira mu bikorwa amategeko mpuzamahanga y’ubutabazi.

Umwanditsi: TUYIHIMITIMA Irene