Umunyamakuru w'umurundi Sandra Muhoza yahanishijwe igifungo cy'amezi 21 ku byaha byo gukora ibikorwa bisuzuguza igihugu no "kwangiza isura y'igihugu," ibi ni byo umwunganizi we yatangaje kuwa Mbere, tariki 16 Ukuboza 2024.
Ibi bihano byatewe n’ubutumwa yasangije mu itsinda rya WhatsApp, nk'uko byatangajwe na Reporters Without Borders (RSF). Amakuru dukesha News Central avuga ko Sandra Muhoza w'imyaka 42, akora ku rubuga rwa internet rwa La Nova Burundi, afunze kuva mu kwezi kwa Mata.
Amashyirahamwe arengera uburenganzira bwa muntu n'umuryango we bavuze ko bafashe uyu mwanzuro udaciye mu mucyo, aho RSF ivuga ko ari igihano gishingiye kuri politiki ndetse isaba ko yahabwa ubwisanzure ako kanya.
U Burundi buri ku mwanya wa 108 ku rutonde rw'ubwisanzure bw'itangazamakuru rya RSF, aho hakomeje kurangwa n'iyicarubozo n'ubwo hariho impinduka zagiye zibaho mu gihe cy'ubuyobozi bwa Perezida Évariste Ndayishimiye.
Umwanditsi: KUBWIMANA Solange
Eng
RSS 
TANGA IGITECYEREZO