Perezida wa Brazil yongeye kubagwa ubwonko ku nshuro ya kabiri mu cyumweru kimwe

Ku wa Kabiri muri iki cyumweru, mu bitaro bya Sao Paulo's Sirio-Libanes biherereye mu murwa mukuru wa Brazil habereye igikorwa cyo kubaga mu bwonko Perezida Luiz Inacio Lula da Silva wagize ikibazo cyo kuva amaraso mu bwonko. Icyo gihe yabazwe kugira ngo bavane amaraso hagati y’ubwonko bwe na 'meningeal membrane'.

Nyuma yo kumubaga, umuganga wihariye wa Perezida, Roberto Kalil Filho yavuze ko ikibazo Perezida yagize cyaturutse ku mpanuka yakoze mu mpera z’Ukwakira iwe mu rugo ubwo yagwaga.

Kuri uyu wa Gatatu, abaturage ba Brazil bongeye kubwirwa ko mu gitondo cyo kuri uyu wa kane Perezida wabo asubira ku iseta akongera kubagwa kugira ngo birinde yuko yazongera kugira icyo kibazo cyo kuva amaraso mu bwonko.

Nkuko tubikesha ikinyamakuru Reuters, Perezida Luiz Inacio Lula da Silva yamaze kubagwa kandi igikorwa cyagenze neza. Ni igikorwa cyatwaye amasaha abiri yose muri iki gitondo.

Nyuma yo kumubaga, Roberto Kalil Filho, umuganga wihariye wa Perezida yavuze ko iki gikorwa cyagenze neza kandi ko ibyo bifuzaga kumukorera byagenze neza ku kigero bifuzaga.

Perezida wa Brazil yamaze kubagwa mu bwonko ku nshuro ya kabiri muri iki cyumweru