Umuyobozi wa FBI yeguye kubera Donald Trump

Umuyobozi w'ibiro bishinzwe iperereza muri Leta Zunze Ubumwe za Amerika (FBI), Christopher Wray, yatangaje ko azegura mbere y'uko Perezida watowe, Donald Trump atangira imirimo mu kwezi gutaha.

Ku wa gatatu, Wray yatangaje mu nama y'abayobozi ba FBI ko yahisemo kuva ku muri izi nshingano nyuma yo kubitekerezaho.

Trump yamaze gutora Kash Patel, ko ariwe nubundi wari kuzasimbura Christopher Wray kubera iperereza yakoze kuri Donald Trump kandi ariwe wari waramushyize muri izi nshingano yarimo mu mwaka wa 2017.

Ku wa gatatu, Wray yavugiye mu nama ya FBI ko "Nahisemo igikwiye kuri FBI n’uko nzakora kugeza igihe ubuyobozi buriho burangiye muri Mutarama hanyuma nkava ku butegetsi."

Wray yongeyeho ati: "Njye mbona, ubu ari bwo buryo bwiza bwo kubahiriza inshingano, mu gihe dushimangira indangagaciro n'amahame y'ingenzi ku buryo dukora akazi kacu."

Nyuma y’iri jambo, abari muri iyi nama bamushimiye ndetse abo bari bamaze iyo myaka yoe bakorana n’abo yagiye azana mu nshingano nyuma bafatwa n’ikiniga bararira nkuko tubikesha ibiro ntaramakuru by'Abanyamerika.

Trump yashyizeho Wray kuyobora FBI nyuma yo kwirukana uwamubanjirije witwa James Comey nyuma y’iperereza ryakozwe na FBI ku bivugwa ko hari ukuboko kw’Igihugu cya Russina mu matora ya 2016 Donald Trump yatsinze agahita aba Perezida wa Amerika.

Nyuma yuko yeguye, Donald Trump yahise ajya ku mbuga nkoranyamabaga ze avuga ko kuba Wray yeguye ari umunsi udafite uko usa muri USA kuko bigeye guca agakundi k’abantu bicaga amategeko nkana avuga ko ari inzira ya mbere yo kwimakaza gahunda yo kugendera ku mategeko.

Yagize ati “Kwegura kwa Christopher Wray ni umunsi mwiza ku banyamerika bose. Ibi bizarangiza intwaro y’ibintu bimaze kwitwa Minisiteri ishinzwe akarengane muri Amerika." "Ubu tuzagarura Abanyamerika bose kugendera ku mategeko."

Donald Trump wari waramaze kugaragaza ko inzoka ye itazakorana n’iya Wray muri iyi manda yatorewe, yahise atangaza ko ubu ahanze amaso Sena ikemeza Kasha Patel nk’umuyobozi wa FBI bakongera kuyigira urwego rukomeye kandi rutinyitse ku Isi hose nkuko byahoze.

Wray wari uri muri izi nshingano, yeguye mu gihe manda ye y’imyaka 10 yaburaga imyaka ibiri, mu gihe Patel we azategereza ko Sena imwemeza agafata izi nshingano zari zifitwe na Wray.

Christopher Wray yamaze kwegura ku mwanya wo kuyobora FBI nyuma y'uko Donald Trump atangaje ko batazakorana ahanini kubera iperereza yamukozeho ubwo yavaga muri White House

Mu gihe yakwemezwa na Sena, Patel niwe watanzwe na Donald Trump ko azasimbura Christopher Wray

Christopher Wray yari yarasimbuye James Comey wirukanywe na Donald Trump kubera iperereza yakoze ko Uburusiya bushobora kuba bwarafashije Donald Trump gutsinda amatora ya 2016

Donald Trump yishimiye ko Chritopher Wray yeguye aboneraho gutangaza ko bagiye kubaka FBI ikomeye nka mbere