Abafana 56 bo mu gihugu cya Guinea bitabye Imana ubwo bari bagiye kureba umukino wanyuma w'abatarabigize umwuga wari wahuje ikipe yo muri Labe na Nzerekore.
Ku Cyumweru ni bwo habaye umukino wa nyuma w'abatarabigize w'irushanwa ryateguwe na Perezida w'iki gihugu, Général Mamadi Doumbouya, ukaba wakinwaga kuri Stade du 3 Avril de N’Zérékore wakinwaga.
Muri uyu mukino wari ugamije kuzana ubumwe muri iki gihugu, umusifuzi yatanze penariti maze abafana ntibayumvikanaho bituma bishora mu kibuga batangira no guterana amabuye haba imvururu zikomeye.
Polisi yo muri Guinea yaje gutabara itera ibyuka biryana mu maso muri aba bafana aba ari byo bihosha izi mvururu.
Nyuma y'ibi Leta y'iki gihugu yatangaje ko abafana bagera kuri 56 biganjemo abana ari bo bamaze gupfa mu gihe abandi barenga 100 barembye, naho abandi 1000 bakaba bajyanwe mu bitaro kugira ngo botabweho bitewe nuko bakomeretse.
Ihuriro ry'imitwe ya politike riharanira demokarasi muri iki gihugu ryavuze ko hakwiye gukorwa iperereza ryimbitse kuri iki kibazo ndetse rinavuga ko iri rushanwa ryabaye igikoresho cya politiki mu rwego rwo gushimangira ubutegetsi bwa Doumbouya, ibintu babona ko bidakwiye.
Eng
RSS 
TANGA IGITECYEREZO