Rwanda Premier League: Musanze FC yaguye miswi na Gasogi United, Vision FC isubiza inyuma Kiyovu

Kuri uyu wa Gatandatu itariki 23 Ugushyingo 2024 ikipe ya Gasogi United yari yakiriye Musanze FC mu mukino w’umunsi wa 10 wa shampiyona y’u Rwanda , Rwanda Premieer League 2024-25.

Ni umukino watangiye amakipe kumpande zombe yataka kuko Ku munotawa gatanu Ikipe ya Musanze FC yabonye uburyo bwari bukomeye nyuma y’uko myugariro wa Gasogi United Udahemuka Jean De Dieu yari akinnye nabi, umupira ufashwe na ntijyimana Patrick wamamaye nka Mbogamizi atera ishoti rikomeye cyane ryaciye ku ruhande rw’izamu rya Dauda Baleri.

Ku munota wa karindwi na Gasogi United yabonye uburyo bukomeye nyuma y’ishoti ratewe na Danny Ndikumana ariko ishoti rikomeye umuzamu wa Musanze Ntaribi Steven amupira awukuramo.

Amakipe yombi yagumye gukina yatakana, ariko ikipe ya Musanze ikaguma kwisirisimba imbere y’izamu rya Gasogi United. Ku munita wa 15 myugariro Emery Bayisenge yabonye ikarita y’umuhondo nyuma yo gukorera ikosa Salomon Adeinka wari uzamukanye umupira.

Umuzamu wa Musanze FC Ntaribi Steven yongeye kurokora ikipe nyuma y’uko Udahemuka Jean de Dieu yari akase umupira mwiza imbere y’izamu rya Musanze FC, ariko umupira awukuramo utaragera kwa Mugisha Josepf.

Guhangana ku makipe yombi byagumye kugorana gutsinda igitego maze iminota 45 isanzwe y’igice cya mbere irangira ari ubusa ku busa, umusifuzi wa kane yongeraho iminota ine y’inyongera. Iminota ine y’inyongera nayo yarangiye nta kipe irabona igitego maze abakinnyi bajya kuruhuka ari ubusa ku busa hagati ya Gasogi United na Musanze.

Igice cya kabiri kikigaruka ikipe ya Musanze FC yagarukanye imbaraga zidasanzwe, ariko Musanze yafunguye amazamu ku gitego cyari gitsinzwe na Kamanzi Achraf ariko umusifuzi avuga ko yaraririye.

Harerimana Abudelaziz yazamukanye umupira neza cyane, awuha Danny Usengimana maze acenga abakinnyi babiri barimo n’umuzamu Ntaribi Steven, atanze umupira kwa Theodol Malipangou aba atsindiye Gasogi United igitego cya mbere.

Musanze FC ikimara gutsindwa igitego cya mbere, yatakanye imbaraga zidasanzwe, maze ku munota wa 75 Johanson Adeaga Adeshola atera umutwe w’ishanyarazi mu izamu rya Gasogi United maze aba afunguye amazamu ku ruhande rwa Musanze aba atsinze igitego cyo kwishyura. 

Amakipe yombi yagumye kwatakana mu buryo budasanzwe, ariko iminota 90 irangira bikiri igitego kimwe kuri kimwe, umusifuzi yongeraho iminota itanu y'inyongera. Iminota y'inyongera nayo yarangiye Nta gitego kirajya mu izamu maze amakipe yombi agwa miswi igitego kimwe kuri kimwe.

Kunganya uyu mukino byatumye amakipe yombi yaba Gasogi United na Musanze FC zigira amanota 15.

Uretse Musanze na Gasogi united, mu Bugesera ikipe ya Bugesera FC yari imbere y'abafana bayo yatsinzwe na Vision FC ibitego 2-1. Vision gutsinda uyu mukino byatumye igira amanota umunani ihita isubiza Kiyovu ku mwanya wa nyuma kuko ifite amanota 6.

Gasogi United yaguye miswi na Musanze FC igitego kimwe kuri kimwe

Ikipe ya Vision FC yabonye intsinzi iva ku mwanya wa nyuma ituma Kiyovu Sports ifata uwa nyuma