Ikipe ya Kaizer Chiefs yo muri Shampiyona y'icyiciro cya mbere muri Afurika y'Epfo ikinamo Ntwari Fiacre yaciwe amande angana na 11 254 710 Frw nyuma y'uko abafana bagaragaje imyitwarire mibi ndetse bagashaka no gukubita uyu munyezamu w'Umunyarwanda.
Ni amande iyi kipe yaciwe na Premier Soccer League, ifite mu nshingano zayo kugenzura, gutegura no gushakira ubushobozi amakipe agize Shampiyona y'icyiciro cya mbere muri Afurika y'Epfo kuri uyu wa Gatanu tariki ya 15 Ugushingo 2024.
Kaizer Chiefs yaciwe amande bitewe n'uko abafana bayo bagaragaje imyitwarire itari myiza mu ntangiriro z'uku kwezi ubwo iyi kipe yatsindwaga na Mamelodi Sundowns ibitego 4-0 muri 1)4 cy'irushanwa rya Carling Knockout.
Aha bafana biniiye mu kibuga umukino urangiye ndetse bashaka no gukubita umunyezamu w'ikipe y'igihugu y'u Rwanda, Amavubi,Ntwari Fiacre bavuga ko ariwe wabatsindishije.
Kaizer Chiefs yari yafatiwe ibihano byo kwishyura arenga Miliyoni 18 z'Amanyarwanda gusa biba ngombwa ko yishyura 1/2.
Hahise haniyongeraho n'andi mafaranga y'ibihano yari yarafatiwe uyu mwaka w'imikino ugitangira aho abafana bayo bari bajungunye ibintu mu kibuga birimo amacupa bitewe nuko umusifuzi ngo yabibye ariko icyo gihe iyi kipe ikaba yari yababariwe.
Umuyobozi muri Premier Soccer League,Zola Majavu yavuze ko uku kwitwara nabi kw'abafana bituma shampiyona yabo isubira inyuma ndetse bigatuma hari n'abaterankunga batakaza.
Abafana ba Kaizer Chiefs bashatse gukubita Ntwari Fiacre
Kaizer Chiefs yaciwe amande nyuma y'uko abafana bayo bateje akavuyo
Eng
RSS 
TANGA IGITECYEREZO