Mukunzi Yannick wavunitse yongereye amasezerano muri Sandvkens IF

Iyi kipe niyo yabitangaje ibinyujije ku mbuga nkoranyambaga zayo kuri uyu wa Kane taliki ya 14 Ugushingo 2024. Sandvkens IF yavuze ko uyu mukinnyi yongereye amasezerano y'umwaka umwe akazamugeza mu mwaka utaha wa 2025. Nyuma yo kongera amasezerano Mukunzi Yannick yatangaje ko yishimiye kongera kuba umwe mu bagize iyi kipe.

Ibi bibaye mu gihe uyu mukinnyi afite ikibazo cy'imvune yagize mu kwezi kwa 9 muri uyu mwaka ndetse bikaba byaranabaye ngombwa ko abagwa.

Mukunzi Yannick amaze imyaka itanu mu ikipe ya Sandvikens IF aho yayigezemo muri 2019 iri mu Cyiciro cya Gatatu mu 2019 ariko ubu ikaba iri mu cya kabiri ndetse ikaba iheruka no gusoza shampiyona iri ku mwanya wa gatandatu aho yarushwaga amanota 12 n'ikipe ya mbere.

Uyu mukinnyi yazamukiye mu irerero rya APR FC ndetse aza no gukinira ikipe nkuru mbere yo kwerekeza muri Rayon Sports nayo ayikinira imyaka 2 mbere yo kwerekeza muri Sweden.

Mukunzi Yannick yongereye amasezerano muri Sandvkens IF azamugeza muri 2025

Mukunzi Yannick yongereye amasezerano nyuma y'iminsi micye agize ikibazo cy'imvune ndetse akaba yaranabazwe