Abakinnyi b'Ikipe y'Igihugu, Ntore Habimana na Axel Mpoyo, ntabwo bazitabira umwiherero wo kwitegura imikino yo gushaka itike y'igikombe cya Afurika kizabera i Dakar muri Sénégal, hagati ya tariki ya 22 na 24 Ugushyingo 2024. Batangaje ko bakeneye kuruhuka kubera umwaka w'imikino wabaye muremure.
Umutoza w’Ikipe y’Igihugu, Dr. Cheikh Sarr, yari yahamagaye abakinnyi 15 mu rwego rwo kwitegura iyi mikino aho abandi bakinnyi basigaye bose bamaze kugera mu mwiherero. Ntore yatangaje ko atabashije kwitabira kubera ko yumva akeneye umwanya wo kuruhuka no kwiyitaho.
Ishyirahamwe ry'Umukino wa Basketball mu
Rwanda (FERWABA) ryemeje ko aba bakinnyi batitabiriye ubutumire bw'Ikipe y'igihugu
kubera impamvu zo kuruhuka, rikanahakana amakuru yavugaga ko impamvu nyamukuru
yaba ari amafaranga ribabereyemo.
Ikipe y’u Rwanda izaba ihatanye mu itsinda
rya gatatu hamwe na Sénégal, Cameroun na Gabon. Mu rwego rwo gukomeza
imyiteguro, Ikipe y’Igihugu izakina imikino ya gicuti na Sudani y’Epfo na Mali
tariki ya 19 na 20 Ugushyingo 2024, mbere yo kwerekeza muri Sénégal.
Ntore na Axel ntabwo bari mu mwiherero w'ikipe y'igihugu ya Basketball
Eng
RSS 
TANGA IGITECYEREZO