Sudani y'Epfo iyoboye ibihugu 10 bizahajwe n'inzara nyinshi muri Afurika

Nk’uko bisanzwe bizwi, umuntu ushonje ntabasha gukora nk’uko bikwiye ngo ashobore gutanga umusaruro ukenewe. Havuyeho kuba iki kibazo gihungabanya ubukungu bw'igihugu ndetse n'ubw'umugabane wa Afurika muri rusange, imirire mibi igira ingaruka mbi ku mikurire n'imitekerereze ya muntu.

Raporo y'Intego y'Umuryango w'Abibumbye ishinzwe iterambere rirambye (SDG) 2, igamije kurandura inzara burundu, kumenya neza niba abantu bafite ibiribwa bihagije, kongera imirire no guteza imbere ubuhinzi burambye mu rwego rwo guhangana n'ikibazo cy'inzara ku mugabane wa Afurika. 

Ni mu gihe raporo nshya ya Banki y’Isi yashyizwe hanze ku wa 13 Ukwakira 2024, yagaragaje ko mu bihugu 26 bikennye cyane ku Isi bituwe na 40% by’abantu bakennye cyane, ubukungu bwabyo bwarushijeho guhungabana cyane, mu gihe byarushijeho gufata amadeni menshi kuva mu 2006, nyamara ntibigire kinini bihindura.

Iyi raporo igaragaza kandi ko ubukungu bw’ibi bihugu bwahungabanye cyane ugereranyije n’uko byari bimeze mu bihe bya Covid-19, n’ubwo ibyinshi mu bihugu byamaze kuzahura ubukungu bwabyo.

Banki y’Isi yatangaje ko ibi bikoma mu nkokora gahunda yayo yo kurandura ubukene bukabije mu bihugu, bikanashimangira ko uyu mwaka iyi banki igomba gukusanya nibura miliyari 100$ yo gushyigikira ibi bihugu.

Ibi bihugu byiganjemo ibifite amadeni menshi, ibyibasiwe n’ibiza n’ibindi bibazo by’ubukungu. Ibyinshi muri byo biherereye muri Afurika yo Munsi y’Ubutayu bwa Sahara no muri Aziya.

Dore ibihugu 10 bizahajwe n’inzara nyinshi muri Afurika: