Pep Guardiola asa n'uwamanitse amaboko

Ku munsi w'ejo ku wa Gatandatu nibwo ikipe ya Brighton & Hove Albion yari yakiriye ikipe ya Manchester City kuri American Stadium mu mukino wo ku munsi wa 11 wa shampiyona y'icyiciro cya mbere mu Bwongereza.

Ni umukino warangiye ikipe ya Brighton itsinze Manchester City ibitego 2 bya Joao Pedro ku munota wa 78 na Matt O'Riley ku munota wa 83 ahawe umupira na Joao Pedro kuri 1 cyatsinzwe na Erling Haaland ku munota wa 23.

Nyuma y'uyu mukino, umutoza wa Manchester City,Pep Guardiola aganira na BBC yavuze ko bagomba kugerageza bakongera bagatsinda.

Ati" Tugomba kugerageza tukongera gutsinda imikino. Gutsindwa imikino ine yikurikiranya, dufite guhindura ibintu vuba . Uko imikino ipanze birakomeye ariko hari ikigiye kuba, abakinnyi nibagaruka hari ikizakorwa.”

Uyu mutoza yanerekanye kandi ko bishoboka ko iki aricyo gihe ngo byibuze indi kipe ibe yakwegukana Igikombe cya Premier League.

Yagize ati " Ariko wenda biranashoboka ko nyuma y’imyaka irindwi dutwayemo ibikombe bitandatu bya Premier League, ari undi mwaka w’amahirwe ku yindi kipe ngo na yo igitware ibikwiriye.”

Ikipe ya Manchester City imaze gutsindwa imikino ine yikurikiranya, bikaba ari ubwa mbere bibaye kuri Pep Guardiola mu mateka ye kuva yatangira gutoza.

Kugeza ubu iyi kipe iri kugorwa n'ikibazo cy'imvune aho abakinnyi bayo barimo Ruben Dias, John Stones, Jeremy Doku na Jack Grealish bavunitse ndetse kongeraho Rodri na Oscar Bobb bazamara hanze y'ikibuga igihe kirekire.

Manchester City nyuma yo gutsindwa na Brighton yakomeje kuba ku mwanya wa 2 ku rutonde rwa shampiyona n'amanota 23 aho irushwa amanota 5 na Liverpool ya mbere .

Umutoza wa Manchester City yerekanye ko  bishoboka ko iki aricyo gihe ngo byibuze indi kipe ibe yakwegukana Igikombe cya Premier League