Ese ingoma ya Pep Gualdiola yaba igeze mu marembera ?

Ibintu si byiza muri Manchester City, aho umutoza Pep Guardiola arimo gutakaza imikino mu buryo budasanzwe. Abafana n’abakunzi b’umupira w’amaguru ntibahwema kwibaza niba ibi bitaba intangiriro y’iherezo ry’ubwami bwe muri iyi kipe yari amaze kugira icyogere mu Bwongereza.

Mu mukino Manchester City iheruka gukina na Brighton, Guardiola yagaragaye yicaye, yuzuye umunabi kandi afite ubwoba, ibintu bidakunze kumuranga.

Mbere y’uko Joao Pedro yishyura igitego, bigatera Brighton gusubira mu mukino, Guardiola yari yamaze kwereka abafana be ko ari mu bihe bikomeye.

Brighton yakomeje gusatira, ibona igitego cya kabiri cyatsinzwe na Matt O'Riley ku munota wa 83, ikintu cyatumye City itsindwa umukino wa Kane yikurikiranya , ibintu bitakunze kugaragara mu rugendo rwa Guardiola nk’umutoza.

Nyuma y'umukino, Guardiola yagaragaye mu mvugo ikomeye ari kuganira na myugariro wa Brighton, Jan Paul van Hecke. Benshi bagize amatsiko yo kumenya ibyo uyu mutoza yari amubwira, maze Van Hecke yigaragaza nk’utabashije kumva neza inyigisho za Guardiola.

Nubwo Manchester City ifite amateka akomeye muri Premier League. Kuva yagera muri City muri 2016, Guardiola yagiye akora amateka atari yarigeze abaho, ariko ubu City iri mu bibazo bituma ifatwa nk’ikipe itari ku rwego rwo hejuru nka mbere.

Ikibazo ni iki: Ese iyi ni intangiriro y’iherezo ry’ubwami bwa Pep Guardiola muri Manchester City? 

Kugeza ubu, arushwa amanota atanu na Liverpool iyoboye shampiyona. Bamwe mu bakunzi b’umupira w’amaguru batangiye kwibaza niba City izagaruka ku muvuduko wo hejuru.

Manchester City imaze imikino ine idatsinda 

Ubudahangarwa bwa Pep Gualdiola bushobora kuba buri kugera Ku musozo