Ishyirahamwe ry'umupira w'amaguru mu Rwanda, FERWAFA ryandikiye amakipe yo muri shampiyona y'icyiciro cya Mbere,icya Kabiri n'icya Gatatu riyamenyesha ko ryongereye igihe cyo kwiyandikisha mu gikombe cy'Amahoro.
Mu gitondo cyo kuri uyu Kane tariki ya 7 Ugushingo 2024 nibwo FERWAFA yandikiye aya makipe iyabwira ko igihe cyo kwiyandikisha ku makipe azitabira igikombe cy'Amahoro cya 2025 cyongerewe aho amakipe aziyandikisha kugeza tariki ya 12 Ugushingo 2024 mbere ya Saa Sita z'ijoro.
Ibi bibaye nyuma y'uko ku munsi w'ejo aribwo hari hagiye hanze amakuru avuga ko Rayon Sports itigeze yandakisha kuzitabira iyi mikino y'igikombe cy'Amahoro ariko yo ikaza kugaragaza koyabikoze tariki ya 28 z'Ukwezi gushize kwa 10.
Amakuru avuga ko FERWAFA itari yabonye Email ya Rayon Sports ndetse ikaba atariyo yonyine byabayeho dore ko n'andi makipe arimo Police FC, Kiyovu Sports, Gorilla FC, Amagaju FC na Etincelles FC nayo ariko byagenze.
Kwiyandisha kuzitabira igikombe cy'Amahoro byari byarangiye tariki ya 5 z'uku kwezi mbere y'uko igihe cyongerwa mu gitondo cyo kuri uyu wa Kane.
Igikombe cy'Amahoro giheruka cyegukanwe n'ikipe ya Police FC itsinze Bugesera FC ku mukino wa nyuma.
Eng
RSS 
TANGA IGITECYEREZO