Real Madrid iracakirana na Dortmund, Barcelona izakire umwanzi! UEFA Champions League yagarutse

Iyi mikino iratangira gukinwa kuri uyu wa Kabiri taliki ya 22 Ukwakira ku bibuga bitandukanye kuzageza kuwa Gatatu taliki ya 24 Ukwakira 2024.

Saa kumi n'ebyiri n'iminota 45, ikipe ya AC Milan yo mu Butaliyani iraba yakiriye Club Brugge yo mu Bubiligi kuri San Siro naho AS Monaco yo mu Bufaransa yakire ikipe ya FK Crevena Zvezda yo muri Serbian kuri Stade Louis II,Monaco.

Saa tatu z'ijoro ikipe ya Arsenal yo mu gihugu cy'u Bwongereza iraba yakiriye ikipe ya Shakhtar Donetsk yo muri Ukraine kuri Emirates Stadium, Aston Villa yo mu Bwongereza yakire Bologna yo mu Butaliyani kuri Villa Park;

Juventus yo mu Butaliyani yakire VFB Stuttgart yo mu Budage kuri Allianz Stadium naho ikipe ya Paris Saint-Germain yo mu Bufaransa yakire PSV Eindhoven yo mu Buhorandi kuri Parc des Princes.

Kuri izi saha kandi harakinwa umukino ukomeye aho ikipe ya Real Madrid yo muri Espagne iri bwakire Borussia Dortmund yo mu Budage kuri Santiago Bernabeu. Aya makipe yombi yaherukaga guhura ku mukino wa nyuma wa UEFA Champions League y'umwaka ushize

Ubwo bakinaga kuri uyu mukino wa nyuma Real Madrid yatsinze ibitego 2-0 ndetse ihita inegukana igikombe. 

Uyu munsi harakinwa kandi n'umukino ikipe ya Sturm Graz yo muri Australia iri bwakiremo Sporting yo muri Portugal kuri 28 Black Arena.

Kuwa Gatatu Saa kumi n'ebyiri n'iminota 45 ikipe ya Atlanta yo mu Butaliyani izakira Celtic yo muri Scotland kuri Gewiss Stadium naho Brest yo mu Bufaransa izakire Bayer Leverkusen yo mu Budage kuri Stade du Roudourou.

Saa tatu z'ijoro ikipe ya Atletico Madrid yo mu Bufaransa izakira Lille yo mu Bufaransa kuri Civitas Metropolitano naho ikipe ya FC Barcelona yakire umwanzi wayo FC Bayern Munich kuri Estadio Olimpico Lluis Companys.

Ikipe ya FC Bayern Munich isanzwe ari umwanzi ws FC Barcelona bijyanye nuko buri gihe aho bahuriye iyitsinda ndetse abantu bakaba batibagirwa igihe yayinyagiraga ibitego 8 -2 muri 1/4 cya UEFA Champions League ya 2020.

Kuri izi Saha kandi ikipe ya Benfica yo muri Portugal izakira Feyenoord yo mu Buhorandi kuri Estádio do Sport Lisboa e Benfica, Manchester City yo mu Bwongereza izakire Sparta Prague yo muri Czech Republic kuri Etihad Stadium naho RB Leipzig yo mu Budage izakire Liverpool yo mu Bwongereza kuri Red Bull Arena Leipzig.

Ikipe ya RB Salzburg yo muri Australia izakira Dinamo Zagreb yo muri Croatia kuri Red Bull Arena Salzburg naho Young Boys yo mu Busuwisi izakire Inter Milan yo mu Budage kuri Wankdorf Stadium.

Kugeza ubu nyuma y'imikino ibiri imaze gukinwa, Borussia Dortmund niyo ya mbere n'amanota 6, Brest ikaba iya kabiri n'amanota 6 naho Benfica ikaba iya 3 nayo ikaba ifite amanota 6.

Real Madrid irakira Borussia Dortmund ziherukaga guhurura ku mukino wa nyuma uheruka